Toıyp sekirgen toǵysharlar
Beısenbi, 30 mamyr 2013 2:27
Muny basqasha ataý múmkin de emes. Dana Abaıdyń: «Jumysy joqtyq, tamaǵy toqtyq, azdyrar adam balasyn», degenindeı, toıynǵanyna máz toǵysharlar qoı ústine boztorǵaı jumyrtqalaǵan zamannyń tynyshyn alyp tur.
Aıtaıyq degenimiz, Jambyl aýdanynyń ortalyǵy Asa aýylynda jastardyń jappaı tóbelesi oryn alyp, 6 adam túrli jaraqat aldy. Tóbeles kezinde myltyq ta «iske» qosylǵan.
Beısenbi, 30 mamyr 2013 2:27
Muny basqasha ataý múmkin de emes. Dana Abaıdyń: «Jumysy joqtyq, tamaǵy toqtyq, azdyrar adam balasyn», degenindeı, toıynǵanyna máz toǵysharlar qoı ústine boztorǵaı jumyrtqalaǵan zamannyń tynyshyn alyp tur.
Aıtaıyq degenimiz, Jambyl aýdanynyń ortalyǵy Asa aýylynda jastardyń jappaı tóbelesi oryn alyp, 6 adam túrli jaraqat aldy. Tóbeles kezinde myltyq ta «iske» qosylǵan. Polıseılerdiń sózine qaraǵanda, ázirge jaraqattanǵan eki adamnan jaýap alynypty. Olar túnde aýyl ortalyǵyndaǵy stadıonnyń qasynan avtokólikterimen ótip bara jatyp, bir top adamdy kóredi. Mashınalarynan túsip, máseleniń mánisin bilmek bolǵan kezde qarsy bettegi eski dıirmen jaqtan taǵy bir top shyǵa kelip, stadıon jaqtaǵy shoǵyrǵa tas laqtyryp, myltyqtan oq ata bastaǵan. Mine, sol soıqannyń saldarynan jaraqat alǵan «áýesqoılar» jaqyn jerdegi aýdandyq aýrýhanadan bir-aq shyǵypty.
Jambyl oblystyq IID baspasóz qyzmetiniń habarlaýynsha, oryn alǵan oqıǵa boıynsha QR QK 257-babynyń 3-tarmaǵy boıynsha (myltyq, gaz tapanshasy, pyshaq, kastet jáne basqa da sýyq qarý qoldaný arqyly buzaqylyq jasaý) qylmystyq is qozǵalyp, qazir kúdiktilerdi anyqtaý, qamaqqa alý jáne tergeý jumystary júrgizilýde.
Kósemáli SÁTTIBAIULY,
«Egemen Qazaqstan».
Jambyl oblysy,
Jambyl aýdany,
Asa aýyly.
