Densaýlyq saqtaý mınıstri E. Birtanovtyń aıtýynsha, sońǵy úsh jylda óńirler jalpy somasy 52 mlrd teńgege 111 densaýlyq saqtaý salasyndaǵy MJÁ shartyn jasasty. Konkýrstyq rásimderdi ótkizý satysynda taǵy da 93 joba bar, 83 joba ázirlenip jatyr.
«О́ńirler basymdyqpen ambýlatorııalyq-emhanalyq qyzmet obektilerin salý jáne ony paıdalanýǵa berý jobalaryn, sondaı-aq medısınalyq tehnıkamen jaraqtandyrý jobalaryn iske asyryp jatyr», — dedi E. Birtanov.
Ambýlatorııalyq-emhanalyq jáne stasıonarlyq obektiler qurylysynyń jobalaryn iske asyrý úshin medısınalyq qyzmetter úshin tarıfti tóleýmen «servıstik MJÁ» modelin, sondaı-aq obektini memlekettik menshikke bergen jaǵdaıda ınvestısııalardy óteýmen kelisimsharttardy paıdalaný usynylady.
2019 jylǵy maýsymnyń sońyna deıin ózektendirilgen óńirlik damý josparlary negizinde QR Densaýlyq saqtaý ınfraqurylymyn damytýdyń 2026 jylǵa deıingi biryńǵaı perspektıvalyq jospary bekitiletin bolady.
Mınıstrlik halyqaralyq tájirıbe boıynsha ınfraqurylymdyq úlgi negizinde MJÁ jobalaryn iske asyrý úshin zańnamaǵa ózgerister engizý josparlaǵan. Sondaı-aq, densaýlyq saqtaý salasyndaǵy Jobalyq basqarý ofısin jáne zańnamalyq deńgeıde mártebesin bekite otyryp (zańdy tulǵa), densaýlyq saqtaýdyń iri ınfraqurylymdyq jobalaryn iske asyrý jónindegi biryńǵaı operatoryn qurý kózdelgen.
K. Shámshıdınovanyń aıtýynsha, búginde memlekettik-jekemenshik áriptestik boıynsha 271 joba iske asyrylyp jatyr, onyń 90% operasııalyq shyǵyndardy óteý arqyly iske asyrylsa, tek 10% ınvestısııalyq shyǵyndardy óteý arqyly júzege asyrylǵan.
Memlekettik-jekemenshik áriptestik jobalarynyń negizgi úlesi mektepke deıingi bilim salasynda iske asyrylyp jatyr.
«Sonyń nátıjesinde, 2013 jyldan bastap jekemenshik mektepke deıingi uıymdardyń sany 1 045-ten 3 640-qa deıin ósti. 2018 jyldyń qorytyndysy boıynsha 3 jastan 6 jasqa deıingi balalardy qamtý 95%-dy qurady», — dedi Bilim jáne ǵylym mınıstri.
Osylaısha, jeke sektordy tarta otyryp, memleket shamamen 615 mlrd teńgeni únemdedi, sebebi 307 myń balany qamtý úshin jańa bir myńnan astam balabaqsha salý qajet bolar edi. Osy jaǵdaılardy jasaýdyń nátıjesinde Qazaqstanda 15 jańa jekemenshik mektep ashyldy, bul oqýshy oryndarynyń tapshylyǵyn 5 myń orynǵa qysqartýǵa múmkindik beredi. Jyl sońyna deıin taǵy 18 mektep ashylady.
Memlekettik-jekemenshik áriptestik aıasynda tehnıkalyq jáne kásiptik bilim berý salasynda kolledjderdi iri kásiporyndarǵa senimgerlik basqarýǵa berý, sondaı-aq, qosarly bilim berýdi damytý josparlanǵan.
Budan ózge, MJÁ tetigi stýdentter jataqhanasyn salýda sátti qoldanylyp jatyr. Bıyl josparlanǵan 5 myń orynnyń ornyna 9 myńnan astam oryn paıdalanýǵa beriledi.
О́ńirlerde atqarylyp jatqan jumystar týraly Qyzylorda oblysynyń ákimi Q. Kósherbaev jáne Soltústik Qazaqstan oblysynyń ákimi Q. Aqsaqalov baıandady.
