Qasym-Jomart Toqaev áskerı ataqtar men memlekettik nagradalar tapsyrdy

Qazaqstan Prezıdenti memleketimizdiń ishki jáne syrtqy saıası júıesiniń berik negizi retinde qaýipsizdikti qamtamasyz etý máselesine Tuńǵysh Prezıdent – El­basy Nursultan Nazarbaevtyń árqashan aıryqsha mán bergenin atap ótti. 

– Egemendikti, Qazaqstan Respýblıkasy aýmaǵynyń tutastyǵy men ulttyq múd­deni qorǵaý – bizdiń armııamyzdyń jáne Kúshtik qurylymdardyń basty baǵ­dary. Bul strategııalyq mańyzdy mindetterdi sheshý úshin komandırler korpý­syna – generaldar men ofıserlerge zor jaýapkershilik júkteledi. Ásker men quqyq qorǵaý organdaryndaǵy ahýal men áskerı daǵdynyń sapasy sizderdiń saýatty basshylyqtaryńyzǵa baılanysty. Sizderdiń barlyq kúsh-jigerlerińiz, bilimderińiz ben tájirıbelerińiz Qarýly Kúshterimizdiń jaýyngerlik qabiletin, quqyqtyq tártip pen konstıtýsııalyq qurylysty qorǵaý jónindegi quqyq qorǵaý organdary men arnaýly qyzmettiń tıimdi jumysyn arttyrýǵa baǵyttalýy tıis, – dedi Qazaqstan Prezıdenti.

Qasym-Jomart Toqaev generaldar men ofıserlerge arnaǵan sózinde bul joǵary shender men arnaýly ataqtar olardyń eńbekteriniń laıyqty jemisi ekenin atap ótti.
– Bul sizderdiń tek kásibı jáne jeke sińirgen eńbekterińizdiń elenýi ǵana emes, sondaı-aq odan da aýqymdy mindetterdi sheshýge múmkindik beretin jaýapkershiliktiń jańa deńgeıin bildiredi. Qýatty ári órkendegen Qazaqstandy qurý jolynda barlyq kúsh-jigerlerińizdi jumsaıtyndaryńyzǵa senimdimin, – dedi Memleket basshysy.

Rásim barysynda 2-synypty mem­lekettik ádilet keńesshisi sheni – Ǵ.Nur­dáý­letovke, M. Ahmetjanovqa; polısııa ge­neral-leıtenanty arnaýly ataǵy – A.Shpek­baevqa, E.Turǵymbaevqa; general-leıtenant áskerı ataǵy – M.Altyn­baevqa; Memlekettik kúzet gene­ral-maıory arnaýly ataǵy – Á.Júsip­ovke; ulttyq qaýipsizdik general-maıory arnaýly ataǵy – D.Erǵojınge, T.Álim­ja­novqa, M.Irmenovke, A.Tóleýovke, B.Ýálı­nııazovqa; syrtqy barlaý general-maıory arnaýly ataǵy – B.Naızabekovke; 3-sanatty joǵary biliktilik synyby Q.Són­taevqa; general-leıtenant áskerı ata­ǵy – Á.Halyqovqa, general-maıor ás­­kerı ataǵy – M.Aımashevke, A.Ashı­rov­ke, F.Bá­de­novke, A.Jumaǵalıevke, T.Qa­ıyr­bekovke, T.Muratbaevqa, A.Mustabekovke; kontr-admıral áskerı ataǵy – S.Bekjanovqa; 3-synypty mem­le­kettik ádilet keńesshisi sheni – Q.Ja­­qyp­baevqa, B.Júıriktaevqa, M.Sek­sem­baevqa; polısııa general-ma­ıory arnaýly ataǵy Q.Dálbekovke, A.Dúısembaevqa  berildi.

Qazaqstan Prezıdenti Qasym-Jomart Toqaev áskerı jáne quqyq qorǵaý sala­synyń qyzmetkerlerine memlekettik nagradalar tapsyrdy.

Memleket basshysy memlekettik nagradalar tapsyrý barysynda  saltanatty sharanyń Otan qorǵaýshy jáne Jeńis kúni merekeleri qarsańynda ótýiniń de máni zor ekenin aıtty. Qazaqstan Pre­zı­denti qaýipsizdik pen qorǵanys salasynyń asa mańyzdy ekenine toqtaldy.

– Táýelsizdiktiń alǵashqy jyldarynda elimizde joǵary sanatty, bilikti sardarlar múlde az boldy. Tuńǵysh Prezıdentimiz ár sarbazdy jigerlendire otyryp, aıbyndy ásker qurdy. Búginde bizdiń Kúshtik qurylymdarymyz zamanaýı tehnıka men tehnologııany meńgergen. Olar kez kelgen qaýip-qaterge qarsy soqqy bere alatyn aıbyndy ári mobıldi kúshke aınaldy. Jaqynda ǵana ótken «Aıbalta-2019» oqý-jattyǵýy – sonyń aıqyn dáleli, – dedi Qazaqstan Prezıdenti.

Sonymen qatar Qasym-Jomart Toqaev adam ómirin órtten, sýdan arashalap qalǵan beıbit kúnniń batyrlarynyń erlikteri týraly da aıtty.

– Sizderdiń beıbit kúndegi erlikterińiz ben ıgi isterińiz óskeleń urpaqqa úlgi bolýy tıis. Sondyqtan búgin biz minsiz ás­kerı qyzmetimen, eren erligimen dara­lan­ǵan azamattardy marapattaý úshin jınalyp otyrmyz, – dedi Memleket basshysy.
Saltanatty sharada I dárejeli «Dańq» ordenimen Qarýly Kúshter Bas shtaby bastyǵynyń orynbasary Ádilbek Qalıbekuly Al­dabergenov, Bas Pro­kýrordyń orynbasary Erlik Ábdira­qymuly Kenen­baev, Qarý­ly Kúshterdiń Qurlyq áskerleri bas qolbas­shy­synyń orynbasary Vasılıı Nesipqazyuly Rysbaev marapattaldy.  
II dárejeli «Dańq» ordeni Ishki ister mınıstrligi Qostanaı oblysy polısııa departamentiniń bastyǵy Beket Iman­ulyna Aımaǵambetov, Almaty oblysy boıynsha Ulttyq qaýipsizdik komı­teti departamentiniń bastyǵy Sábıt Tuń­ǵyshbaıuly Qurmanálıevke tapsyryldy.

II dárejeli «Aıbyn» ordenimen Mem­lekettik kúzet qyzmeti Prezıdent kúze­ti qyzmetiniń bas ınspektory Vıktor Iýrevıch Balıasnıkov, Sybaılas jemqorlyqqa qarsy is-qımyl ulttyq bıýrosy Aqmola oblysy boıynsha departament basshysy Qýanysh Bazaruly Bekbasov, Ulttyq qaýipsizdik komıteti departamenti bastyǵynyń birinshi orynbasary Rınat Tóleýhanuly Qoqymbaev, Qorǵanys mınıstrligi 48386 áskerı bóliminiń komandıri Talǵat Aqtanuly Qusaıynov, Ishki ister mınıstrligi Krı­mı­naldyq polısııa departamenti basty­ǵynyń orynbasary Erlan Bolatuly Omarbekov, Qorǵanys mınıstrligi 28738 áskerı bóliminiń komandıri Janat Esimuly Rasqulov, Atyraý qalasynyń Jol-patrýldik polısııa batalonynyń ıns­pektory Rústembek Bısem­baıuly Sýn­dýtov, Qazaqstan Respýblıkasy Qa­rý­­ly Kúshteri Áskerı-áýe kúshteri qol­bas­­­shy­synyń orynbasary Nurbolat Er­kebaı­uly Topaev, Qorǵanys mınıstr­ligi 03858 áskerı bóliminiń komandıri Meıram Ordalyuly Hamzın marapattaldy.   
III dárejeli «Aıbyn» ordeni Mem­le­kettik kúzet qyzmetiniń  Obektilerdi qorǵaý qyzmeti «Aıbyn» Prezıdenttik polkiniń aǵa maman – atqyshy  Amangeldi Myrzabaıuly Qusaıynovqa tapsyryldy.

«Qurmet» ordenimen Bas proký­ra­týranyń Qyzmet bastyǵynyń orynbasary Radımhan Dýbaeva marapattaldy.          

«Erligi úshin» medali Ishki ister mı­nıstrligi Ulttyq ulannyń «Or­ta­lyq» óńirlik qolbasshylyǵy 6697 áske­rı bóliminiń sarbazy Medet Serik­áliuly Balabıevke, Ishki ister mınıstrligi Nur-Sultan qalasy Tótenshe jaǵdaılar departamenti О́rt sóndirý jáne avarııalyq-qutqarý jumystary qyzmetiniń №1 órt sóndirý bólimi bastyǵynyń orynbasary Aıanbek Baýyrjanuly Kenjeshovke, Qorǵanys mınıstrligi 35411 áskerı bólimi artıllerııalyq dıvızıonynyń mamany Qýandyq Qanatuly Qanatovqa, Ishki ister mınıstrligi Qaraǵandy oblysy Tótenshe jaǵdaılar departamentiniń О́rt sóndirý jáne avarııalyq-qutqarý jumystar qyzmeti №1 órt sóndirý bóliminiń bólimshe komandıri Aleksandr Gennadıevıch Mınaevqa, Ishki ister mınıstrligi Soltústik Qazaqstan oblysynyń Polısııa departamenti Taıynsha aýdany polısııa bóliminiń ýchaskelik ınspektory Erlan Maýlıuly Ybyraevqa tapsyryldy.

«Jaýyngerlik erligi úshin» medalimen  Ortalyq komandalyq pýnkti bastyǵynyń orynbasary – Qarýly Kúshter Bas shtaby Ortalyq komandalyq pýnk­tiniń jedel kezekshisi Vla­dımır Mıhaılovıch Abramov, Ulttyq qaýipsizdik komıtetiniń basqarma bastyǵy Jaslan Talǵatbekuly Janaıdarov, Qorǵanys mınıstrligi 35950 áskerı bólimi shtabynyń aǵa ofıseri Ashat Jańbyrshyuly Ma­dııarov, Qorǵanys mınıstrligi 55652 áske­rı bólimi avıa­sııalyq eskadrılıasy avıa­sııalyq býy­nynyń aǵa ushqyshy Kóbegen Ersintaıuly Myrzataev, Qorǵanys mınıstrligi 35748 áskerı bólimi tank batalonynyń komandıri Asylbek Natyuly Ontaqov marapattaldy.

Shara sońynda Qasym-Jomart Toqaev marapattalýshylarǵa minsiz qyzmeti úshin alǵysyn bildirip, olarǵa zor densaýlyq, otbasylaryna bereke, jańa tabystar tiledi.