Eń úzdik daýys ıesi dep Qarasaı aýdany Jalpaqsaı aýylynyń on eki jasar turǵyny Arýjan Rahmanáli tanyldy. Daryndy qyz 8 jastan bastap vokal úıirmesine qatysady. Ol túrli qalalyq, oblystyq jáne respýblıkalyq deńgeıdegi vokaldyq baıqaýlardyń jeńimpazy. «Bala daýysy» týraly ǵalamtor jelisinen oqyp, baıqaýǵa tek 8 ben 12 jas aralyǵyndaǵy balalar qatysa alatynyn bilgen qyz óziniń sońǵy múmkindigin jibergisi kelgen joq. Anasynyń aıtýy boıynsha, qyzy Almaty oblysynyń úzdikter úshtigine kiretinine senimdi bolǵandyǵyna otbasy alǵashynda tańǵaldy. Bul senimdilikti jaqsylyqqa joryp, áke-sheshesi baıqaýǵa qatysýǵa ruqsattaryn berdi. Arýjan qazylar alqasyn ǵana emes, sonymen qatar kórermenderdi erekshe daýys yrǵaǵy men tabıǵı áserliligimen baýrap aldy.
Kúzde Arýjan Qazaqstannyń basqa aımaqtarynyń 16 fınalısimen «Juldyzdy Arman úıinde» kezdesedi. Baıqaýdyń sýperfınalyna daıyndyq sátinde balalar vokal, horeografııa jáne ártistik qabiletterin arttyratyn sabaqtarǵa qatysady.
