«Aqtóbe hrom qosyndylary zaýyty» AQ Qazaqstandaǵy jalǵyz jáne hrom negizindegi joǵary sapaly hrom qosyndylaryn óndirý jáne eksporttaý boıynsha álemdik naryqtaǵy jetekshi kásiporyndardyń biri bolyp tabylady. Zaýyt 1957 jyldyń shilde aıynda iske qosyldy. Búgingi tańda zaýyt ónimderi 40-tan astam shet elderine, onyń ishinde Úndistan, AQSh, Japonııa, Qytaı, Ońtústik Koreıa, Avstralııa jáne t. b. elderge eksporttalady.
- Aqtóbe oblysyna jumys saparymyzdyń negizgi maqsaty – ózekti máselelerdi tuǵyndardyń óz aýzynan estip, sheshýge atsalysý, - dep atap ótti Májilistiń áleýmettik-mádenı damý komıtetiniń hatshysy Beıbit Mamraev. Depýtattarmen áńgimelesý barysynda zaýyt qyzmetkerleri páter alýda alǵashqy jarnany sýbsıdııalaý, zeınetkerlikke shyǵý jasyn qysqartý, qalany kógaldandyrý máselelerin qozǵady. Jastarǵa arnalǵan baspana alýdaǵy baǵdarlamaǵa qatysý máseleleri de qozǵaldy.
Halyq qalaýlylary turmysy tómen jáne kóp balaly otbasylardy memlekettik qoldaý máselesine erekshe toqtaldy. Májilis depýtaty Qanat Mýsın atap ótkendeı, bul máseleni sheshý úshin qazir kóp nárse jasalýda, al anyqtalǵan problemalar Úkimetpen birlesip talqylanady.
- Jergilikti jerlerde biz biraz máselelerdi anyqtadyq. Endi qaıtyp oralǵannan keıin Úkimetpen osy kómekti alýǵa úmitker otbasynyń tabysyn anyqtaý máselelerin talqylaýǵa nıettenip otyrmyz. О́ıtkeni biz tabysty anyqtaý týraly kóptegen shaǵymdar estidik. Múmkin úı malynyń bar-joǵyn eskerýdiń qajeti joq shyǵar, sebebi onyń boljamdy tabysy ǵana emes, ony ustaýǵa jumsalatyn shyǵyndardy da eskerý qajet, - dedi ol.
Májilismender, sondaı-aq, oblystyń Yrǵyz, Áıteke bı, Mártók jáne Baıǵanın aýdandarynyń turǵyndarymen kezdesýler ótkizdi.
