Kúngeı ólke zııalylarynyń basy qosylǵan jıynda bas basylymnyń óńirdegi tilshisi, belgili qalamger Ǵalymjan Qamytbekuly uzaq jyldar atalǵan gazettiń Ońtústik óńirdegi óz tilshisi bolyp, ult baspasózine ólsheýsiz úles qosqan Orazhan Jarqynbek pen Tórexan Rámberdiniń otbasy múshelerine syı-qurmet kórsetti.
«Bıyl bastaýyn 1919 jyly Orynborda jaryq kórgen «Ushqyn» gazetinen alǵan «Egemen Qazaqstan»-nyń 100 jyldyq mereıtoıy. Basylymnyń basqarma tóraǵasy Darhan Qydyráli oblys-qalalarda gazettiń damýyna eńbegi sińgen ardagerlerimizge qurmet kórsetýdi tapsyrǵan edi. Osyǵan oraı ómirin baspasózben baılanystyrǵan Orazhan Jarqynbek pen Tórexan Rámberdi aǵalardyń otbasylaryn osynda shaqyryp syı-qurmet kórsetip otyrmyz. Asyl aǵalarymyz kózi tiri bolǵanda ǵasyrlyq mereıtoıdyń qýanyshyna kýá bolyp, ıyqtaryna qurmettiń belgisi retinde shapan jabylar edi. Endi sol qurmetti jubaılary men urpaqtaryna tabystap otyrmyz», dedi Ǵalymjan Elshibaı.
О́z kezeginde qarymdy qalamger Orazhan Jarqynbektiń jary Kúlán apaıymyz kózine jas alyp, gazet basshylyǵy men ujymyna alǵys aıtty.
Aıta keterligi, «Egemen Qazaqstan» gazetiniń 100 jyldyq merekesi elimizdiń ár óńirinde túrli formatta osy jyldyń sońyna deıin atap ótiledi.
