Qyzylorda oblysynyń ákimi Q.Kósherbaev «memlekettik-jekemenshik áriptestik bul birinshiden – jergilikti bıýdjetke aýyrtpalyqty azaıtý, ınvestısııa tartý jáne halyqqa kórsetiletin qyzmetterdiń sapasyn arttyrý. Al ınvestor úshin – uzaq merzimge turaqty bıznes ashý» deıdi.
"Qazirgi tańda aımaqta 34 mlrd.teńgeden astam qarjyǵa 116 memlekettik-jekemenshik áriptestik jobasy júzege asyrylýda. Onyń ishinde 38 joba boıynsha 13,8 mlrd. teńge somaǵa kelisimshart jasalǵan. Oblysta memlekettik-jekemenshik áriptestik jobalary ekonomıkanyń barlyq salalarynda jumys isteıdi. Aýyldyq jerlerdegi jobalarǵa basymdyq berilgen, naqty aıtqanda jobalardyń jalpy sanynyń 67% tıesili. Bul rette kiristiń ishki normasynyń IRR - ólshengen kórsetkishi qoldanylady. Jobalar boıynsha ortasha kórsetkish 11% quraıdy, bul respýblıkada eń úzdik kórsetkishtiń biri bolyp tabylady", - dedi aımaq basshysy selektorlyq rejımdegi Úkimet otyrysynda.
Máselen, oblysta memlekettik-jekemenshik áriptestik aıasynda sátti júzege asyrylǵan jobalar qatarynda 2017 jyly ashylǵan, bir aýysymda 400 adam qabyldaıtyn jáne 43 myń adam úshin dıagnostıka men emdeýdiń jańa ádisterin engizýge múmkindik beretin jańa emhanany aıtýǵa bolady. Bul joba bir aýysymda 500 adam qabyldaıtyn emhana qurylysy boıynsha konsessııalyq jobanyń ornyna iske asyryldy. Osylaısha, oblys 3,6 mlrd. teńge somasynda bıýdjet qarajatyn únemdep, 2 jylǵa arnalǵan jobany jedel túrde júzege asyryp otyr.
