Kásipkerler palatasy mamandarynyń aıtýynsha, bul – kásipkerler úshin taptyrmaıtyn múmkindik.
Kásipkerge túrme aýmaǵynan tegin óndiris alańdary berilmek. Ekinshiden, arzan jumys qoly bar.
Oblys ákimdigi osy kelisim túzetý mekemeleriniń aýmaǵynda kúndelikti tutynýǵa jáne turmysqa qajetti zattardyń jasaıtyn «qarapaıym zattar ekonomıkasynyń» óndirisin damytýǵa bolatynyn jetkizdi.
Sonymen birge, óńirde 16 júıe quraýshy kompanııa, myńǵa jýyq óndiristik kásiporyndar bar. Endi osy kásiporyndar aınalasynda shaǵyn óndirister qurýǵa bolady.
Qylmystyq atqarý júıesi departamenti basshysynyń orynbasary Dáýlet Ysqaqovtyń aıýtynsha, sottalǵandardyń kópshiligi túrli kásip ıeleri.
Kásipkerdiń suranysyna sáıkes tehnıkalyq mamandyqtarǵa oqytýǵa da bolady.
Qazir oblys ortalyǵyndaǵy AP 162/2, 162/3, 162/4 túzeý mekemelerinde tehnıkalyq kolledjder jumys isteýde.
О́ndiristiń ereksheligine qaraı sottalǵandardy slesar-jóndeýshi, metall jonýshy, kólik jóndeýshi, jıhaz sheberi sııaqty mamandyqtar boıynsha oqytady.
Jalpy, Qylmystyq atqarý júıesi departamentiniń sottalǵandardy eńbekpen qamtý qyzmetiniń málimetinshe, óńirde 2 myń adam jazasyn óteýde.
Al, túrmeler aýmaǵynda 6 myń sharshy metrden astam óndiris alańy bos turǵan kórinedi.
