«Qurmetti ardagerler! Sizderdi kele jatqan merekeler: Otan qorǵaýshylar kúnimen jáne Jeńis kúnimen shyn júrekten quttyqtaımyn. Sizderge densaýlyq, uzaq ómir jáne baqyt tileımin! Bizge jastarmen jumys jasaý barysynda sizderdiń tájirıbeńiz ben bilimińiz qajet», dedi B.Sultanov.
Onyń aıtýynsha, elordada 50 myńnan astam zeınetker turady, olardyń 71-i – Uly Otan soǵysynyń ardagerleri, 2817-i – tyl eńbekkerleri.
«Sizdiń jumysyńyzǵa tabys tileımiz, bizdiń elordamyz gúldene tússin. Eger astana órkendep jatsa, Atyraý, Semeı jáne basqa qalalar gúldene bastaıdy. Bul – bizdiń basty qala, bul bizdiń táýelsizdigimizdiń jemisi, bul bizdiń elimizdiń júregi», dedi 96 jastaǵy soǵys ardageri Ahat Bekmadı.
О́z kezeginde Baqyt Sultanov, qalanyń úlken ekendigin, bir mezgilde birneshe tapsyrmany sheshý qajet bolatynyn jáne eń basty mindet qala turǵyndarynyń jaıly jáne sapaly ómir súrýin qamtamasyz etý ekendigin alǵa tartty.
«Ardagerlerge medısınalyq qyzmet kórsetý úshin kóp nárse jasaldy. Búgin olardyń sany 2 myńnan asady. Bul bizdiń halqymyzdyń 10% -y jáne olarǵa joǵary mán berilýde.Tegin tis protezdeý, preparattarmen qamtamasyz etý sııaqty máseleler ákimdiktiń arqasynda sheshildi. О́ıtkeni ol qosymsha qarjylandyrýdy talap etedi. Biz sondaı-aq, ákimdikke 218 tyl eńbekkerine nazar aýdarýdy, jeńildikpen dári-dármekterdi alýǵa múmkindik berýin suraımyz», - dedi Ardagerler keńesiniń tóraıymy Altyn Sýleımenova.
Ardagerlerdiń taǵy bir ótinishi - gerontologııalyq qyzmettiń jumysyn uıymdastyrý jáne ardagerlerdi ońaltý, emdeý jáne áleýmettik qoldaý úshin qalada arnaıy ortalyq ashý.
«Jaqynda men Elbasynyń qabyldaýynda boldym, biz osy másele týraly sóılestik. Ol bizdiń qalamyzda ardagerlerge arnalǵan laıyqty ortalyq qajettigin aıtty. Bizde kútim úıi bar. Onda óte jaqsy jaǵdaılar jasalǵan, biraq munda basqa tujyrymdamany engizý qajet. Sonyń ishinde ardagerlerge arnalǵan ońaltý ortalyǵy, meıirbıke isi, qonaq úı bar bolsa, ony qarııalardyń bos ýaqyttarynda ózderiniń qurdastarymen qarym-qatynas jasaıtyn ortalyq retinde qurýǵa bolar edi. Ázirge jobany «Belsendi uzaq ómir» ortalyǵy dep atadyq», dep qorytyndylady Baqyt Sultanov.
