Palata Spıkeri Nurlan Nyǵmatýlınniń tóraǵalyǵymen ótken Májilistiń kezekti jalpy otyrysynda Qazaqstan men Lıtva arasyndaǵy bas bostandyǵynan aıyrýǵa sottalǵan adamdardy jáne medısınalyq sıpattaǵy májbúrleý sharalary qoldanylǵan adamdardy berý týraly shartty ratıfıkasııalaý týraly zań jobasyn maquldandy.
Zań jobasynyń negizgi maqsaty ýaǵdalasýshy memleketterdiń bas bostandyǵynan aıyrýǵa sottalǵan adamdardy jáne medısınalyq sıpattaǵy májbúrleý sharalary qoldanylǵan adamdardy berý salasyndaǵy yntymaqtastyqty Shart erejelerine jáne ulttyq zańnamaǵa sáıkes júzege asyrýdy kózdeıdi. Sondaı-aq, sottalǵan adamdardyń jáne medısınalyq sıpattaǵy májbúrleý sharalary qoldanylǵan adamdardyń azamattyq jaǵynan óz qoǵamyna qaıta ıntegrasııalanýyna yqpal etetin bolady.
Osy kúni Májilis qarjy naryǵyn retteý men damytý jáne mıkroqarjylyq qyzmet máselelerin, sonymen birge, jumyldyrý daıyndyǵy men jumyldyrý máseleleri boıynsha túzetýlerge qatysty zań jobalaryn jumysqa qabyldady.
Jalpy otyrys sońynda Májilis depýtattary B.Smaǵul, K. Musyrman, Z.Amanjolova, R.Kım, N. Áltaev quzyrly memlekettik organdarǵa depýtattyq saýaldar joldady.
