Qazaqstan • 09 Mamyr, 2019

Ekijaqty kelisim ratıfıkasııalandy

647 retkórsetildi

Keshe Májilis Tóraǵasy Nurlan Nyǵmatýlınniń tóraǵa­lyǵymen palatanyń kezekti jalpy otyrysy bolyp ótti.

Onda úsh másele qaraldy. Sonyń ishinde Qazaqstan men Lıtva arasynda bas bos­tan­dyǵynan aıyrylǵan adamdardy jáne medısınalyq sıpattaǵy májbúrleý sharalary qoldanylǵan adamdardy berý jáne qaıtarý týraly shartty ratıfıkasııalaý týraly zań jobasy qaraldy. Zań jobasy týraly negizgi baıandamany Bas prokýrordyń orynbasary Marat Ahmetjanov jasady.

Bul shart sottyń sheshimimen bas bostandyǵynan aıyrylǵan jáne medısınalyq májbúrleý sharalary qoldanylatyn adamdardy berý týraly. Shartqa 2018 jylǵy 24 sáýirde Vılnıýs qalasynda qol qoıylǵan. Osy qujatqa sáıkes Lıtva soty Qazaqstan azamatyn bas bostandyǵynan aıyrsa nemese májbúrlep emdeý jazasyn belgilese onyń jazasyn óteýi úshin elimizge qaıtara alamyz. Qazaqstanda sottalǵan Lıtva azamattary da osy tártippen qaıtarylady. Sharttyń talaby boıynsha jazasyn óteýge berilýi úshin sottalǵan adamnyń nemese onyń zańdy ókiliniń kelisimi kerek. Sonymen birge eki el de sottalǵan azamattyń is-áreketin qylmys dep tanýy kerek. Sondaı-aq shartta sottalǵandardyń berilmeý tártibi de qarastyrylǵan. Eger sottalǵandardy qaıtarý eldiń egemendigine, qoǵamdyq tártipke nuqsan keltiretin bolsa, ulttyq zańnama men memleket múddesine qaıshy bolsa, sondaı-aq sottalǵan adam keltirgen zalalyn ótemegen bolsa, onda sottalýshy berilmeıdi. Osyndaı kelisimderge Qazaqstan buryn 18 elmen qol qoıǵan. Biraq Lıtva elimen jasalǵan myna kelisimniń bir ereksheligi bar. Munda Lıtva tarapynyń usynysymen sot- medısınalyq májbúrleý sharalaryn belgilegen azamattar da qaıtarylady.

Jalpy kelisim úsh halyq­aralyq konvensııa sheńberinde jasalǵan. Baıandama aıaqtalǵan soń suraq berý rásimi bastalyp, depýtat B.Jylqyshıev Lıt­vamen jasalǵan shartta ǵana medısınalyq sıpat­taǵy májbúrleý sharalary bel­gilengen adamdardy berý jáne qaıtarýǵa kelisildi, basqalarda ol nege joq degen suraq qoıdy. Oǵan halyqaralyq konvensııaǵa sáıkes medısınalyq májbúrleý sharalary belgilengen adamdardy buryn da qaıtarýǵa bolatyn. Sondyqtan biz ony buryn naqty kórsetpegen edik. Al Lıtva tarapy osyndaı usynys jasaǵan soń ony kelisimge engizdik dep jaýap berdi M.Ahmetjanov.

Depýtat Qudaıbergen Er­jan: Qaı­tarý týraly ótinishti qyl­mys­kerdiń jubaıy bere alady delingen. Al bizdiń Qylmystyq kodekste suraý salýdy jasaý quqy sottalǵan adamdardyń jaqyn týystaryna berilgen. Al jubaılar men zaıyptar jaqyn týystar qataryna enbeıdi. Sonda qylmyskerdiń jubaılary qandaı zańǵa súıenip suraý jasaı alady dep surady depýtat. Oǵan ratıfıkasııalanýdan ótken halyqaralyq sharttardyń dárejesi bizdiń ulttyq zańnamamyzdan joǵary. Sondyqtan halyqaralyq shart­tarǵa súıenip qylmyskerdiń jubaıy suraý sala alady dep jaýap berildi.

Depýtat Gennadıı Shı­povskıh berý men qaıtarý týraly kelisimge qol qoıylsa da qaıtarylmaǵan sottalýshylar bar-joǵyn surady. Oǵan bizdiń elimizdiń múddesine nuq­san keltirilip, ótelmegen shyǵyndary bolsa, ondaı sottalýshylar qaıtarylmaıdy, degen Bas prokýrordyń orynbasary bıyl ǵana eki Reseı jáne bir Qyrǵyzstan azamatyn qaıtarýdan bas tartylǵanyn aıtty. О́ıtkeni olardyń keltir­­gen shyǵyndary ótelmegen eken.

Zań jobasy boıynsha qo­symsha baıandamany depýtat Asylbek Smaǵulov jasap, zań jobasyn qoldaý jóninde usynys túsirdi. Shaǵyn talqylaýdan keıin zań jobasy maquldanyp, Senattyń qaraýyna jiberildi.

Budan basqa kezekti jalpy otyrysta Májilis qarjy naryǵyn retteý men damytý jáne mıkroqarjylyq qyzmet máselelerin, sonymen birge, jumyldyrý daıyndyǵy men jumyldyrý máseleleri boıynsha túzetýlerge qatysty zań jobalaryn jumysqa qabyldap, olar týraly qorytyndy ázirleý merzimderin belgiledi. Kún tártibindegi máseleler qaralyp bolǵan soń Májilis depýtattary B.Smaǵul, K.Musyrman, Z.Amanjolova, R.Kım, N.Áltaev quzyrly memlekettik organdarǵa depýtattyq saýaldar joldady.


Banner
Sońǵy jańalyqtar

Halyq únine qulaq asatyn memleket

Qazaqstan • Búgin, 08:57

«Qazaqmys» jospardy asyra oryndamaq

Ekonomıka • Búgin, 08:55

Turar týraly tolǵady

Rýhanııat • Búgin, 08:53

Ataýlar men esimder – eldiktiń belgisi

Qazaqstan • Búgin, 08:51

Altyn Orda tarıhy tarazylandy

Rýhanııat • Búgin, 08:48

Temir jol tasymaly jetildirile túsedi

Qazaqstan • Búgin, 08:43

Bir ótinishpen – birneshe qyzmet

Qazaqstan • Búgin, 08:42

Bolgarııada ótken basqosýǵa qatysty

Parlament • Búgin, 08:37

Qaterli isiktiń aldyn alýǵa bolady

Medısına • Búgin, 08:30

EAEO: endigi daý kómirge qatysty

Álem • Búgin, 08:26

Masyl bolma, asyl bol!

Qazaqstan • Búgin, 08:25

Benzın qymbattaı ma?

Qazaqstan • Keshe

«Syryńdy aıtshy, dúnıe...»

Rýhanııat • Keshe

Eń qysqa áńgime. Yrysbek Dábeı

Eń qysqa áńgime • Keshe

Eń qysqa áńgime. Amangeldi Seıithan

Eń qysqa áńgime • Keshe

Eń qysqa áńgime. Serjan Zákeruly

Eń qysqa áńgime • Keshe

Eń qysqa áńgime. Janat Jańqashuly

Eń qysqa áńgime • Keshe

Kitap oqyp, rýhanı baı bol

Qazaqstan • Keshe

Juldyzdaı aǵyp ótken

Aımaqtar • Keshe

«Kóktem aýylynyń» aqsaqaly edi

Rýhanııat • Keshe

Abaı ulaǵaty – urpaqqa amanat

Rýhanııat • Keshe

Qyrǵyz eli Abaıdy ardaqtady

Rýhanııat • Keshe

Uqsas jańalyqtar