Qazaqstan • 09 Mamyr, 2019

О́zara yntymaqtastyq damı beredi

647 retkórsetildi

Nur Otan partııasy Tóraǵasynyń birinshi orynbasary Máýlen Áshimbaev Qazaqstandaǵy Eýropalyq odaq ókildiginiń basshysy Sven-Olov Karlssonmen kezdesti.

Aldymen M.Áshimbaev Qazaq­stan men Eýropalyq odaq arasyn­daǵy qarym-qatynasqa nazar aýdar­dy. Ol sońǵy jyldarda eki eldiń yntymaqtastyǵyn arttyrý maqsatynda Qazaqstannyń Tuńǵysh Prezıdenti – Elbasy Nursultan Nazarbaev pen Eýropa elderi­niń basshylary tarapynan aı­tarlyqtaı jumystar atqarylǵanyn atap ótti.

– Bizdiń taraptar 2015 jy­ly qol qoıylǵan Áriptestik já­ne ynty­maq­tastyq týraly keli­simniń negizinde ózara baılanys­ty odan ári kúsheıtti. Búginde eki­jaqty ekonomıkalyq baılany­symyz júıeli túrde damyp keledi. Kóptegen eýropalyq kompanııalar Qazaqstanda tabysty jumys istep jatyr. Qazaqstan ekono­mıkasyndaǵy syrtqy saýda aı­nalymynyń 50 paıyzy Eýropalyq odaq elderine tıesili. Sol sebepti Eýropalyq odaqty elimizdiń eń basty saýda-ekonomıkalyq seriktesi dep ataýǵa tolyq negiz bar, – dedi M.Áshimbaev.

Sonymen qatar kezdesýde Qazaq­stan ekonomıkasyndaǵy shetel ınvestısııasynyń jartysynan astamy Eýropalyq odaq elderiniń úlesinde ekeni aıtyldy. Nur Otan partııasy Tór­aǵasynyń birinshi orynbasary saýda jáne ınvestısııalyq qarym-qaty­nas­taǵy bul deńgeıler shektik kórset­kish emes ekenine nazar aýdaryp, al­daǵy ýaqytta budan da joǵary nátı­je­ler bolatynyna senetinin jetkizdi. Son­daı-aq ol taraptardyń saıası já­ne par­tııaaralyq baılanysyna da toq­taldy.

Shara barysynda Elbasy Nursultan Nazarbaevtyń óziniń Qazaqstan Pre­zıdenti retindegi ókilettigin toqtatý týraly tarıhı sheshimi jáne onyń 30 jylǵa jýyq el basqaryp, táýelsiz, zamanaýı, naryqtyq, demokratııalyq, quqyqtyq Qazaqstandy qalyp­tastyrǵany sóz boldy.

Odan bólek, partııa Tóra­ǵa­synyń bi­rinshi orynbasary qazirgi tańda Qa­zaq­stan halqynyń tarıhı kezeńdi bastan ótkerip jatqanyna jáne alda úlken saıası naýqan turǵanyna nazar aýdardy.

– Partııamyzdyń 23 sáýirdegi XIX sezinde Elbasy Qazaqstan Pre­zı­denttigine kandıdat retin­de Qasym-Jomart Toqaevty usyndy. Ony barsha sezd delegat­tary biraýyzdan qol­dady. Soǵan baılanysty qazirgi tań­da kandı­datymyzdyń úgit-nasıhat ju­mys­taryna qyzý daıyndyq júrgizilip jatyr. Respýblıkalyq jáne aımaqtyq deńgeıdegi qoǵamdyq shtabtar quryldy. Barlyq qajetti sharalar qolǵa alyndy, – dedi M.Áshimbaev.

Kezdesýde saılaýdyń ashyq ári ádil ótý máselesi de áńgimege arqaý boldy. Osy máselege toqtalǵan Nur Otan partııasy Tóraǵasynyń birinshi orynbasary partııanyń tek zań sheńberinde ǵana áreket etetinin aıryqsha atap ótti.

Sonymen birge partııa Tór­aǵasynyń birinshi orynbasary kandıdat Qasym-Jomart To­qaevtyń saılaýdaǵy bas­ty qaǵı­dasy Elbasy saıasatynyń sa­baq­tastyǵyn saqtaý ekenin aıtty. Onyń sózine qaraǵanda, bul ekonomıkada, áleýmettik saıasatta, saıası júıede esh nárse ózgermeıdi degendi bildirmeıdi.

– Sabaqtastyq Elbasy saıasa­tynyń negizgi basymdyqtaryn saq­tap qalýmen erekshelenedi. Olar kópvektorly syrtqy saıa­sat pen beıbitsúıgishtik qaǵı­da­lary. Ekonomıkadaǵy sabaq­tas­tyq naryqtyq ekonomıka, áleýmettik az qamtylǵan toptarǵa qoldaý kórsetý jáne sheteldik ınvestısııalardy ju­myldyrý qaǵıdalaryna taban tireıdi. Al saıasatta burynǵydaı turaqtylyq pen demokratııalyq damý qaǵıdasyna basymdyq be­riledi. Al jumys barysynda jańa, tyń bastamalardyń qolǵa alynatyny sózsiz, – dedi Nur Otan partııasy Tóraǵasynyń birinshi orynbasary.

Sondaı-aq M.Áshimbaev óz sózinde úgit-nasıhat jumystary negizinen úsh baǵyt boıynsha júr­giziletinin de tilge tıek etti.

–  Eń aldymen dástúrli buqaralyq aqparat quraldaryna basymdyq beriledi. Ekinshiden, elimizdiń barlyq óńirindegi halyqpen tikeleı kezdesip, kandıdattyń saılaýaldy baǵdarlamasyn túsin­diremiz. Sondaı-aq naýqan kezin­de áleýmettik jelilerdi de keńi­nen paıdalanamyz. Bul jumys­tardyń barlyǵy zań sheńberinde júrgiziledi, – degen M.Áshimbaev saılaýdan keıin de Qazaqstan men Eýropalyq odaq elderiniń baılanysy odan ári jalǵasatynyna senim bildirdi.

О́z kezeginde Sven-Olov Karls­son Qazaqstandaǵy qazirgi saıası oqıǵalar halyqaralyq normalar men eldiń Konstıtýsııasyna sáıkes órbip jatqanyn aıtty. Ol eki taraptyń qarym-qatynasyn odan ári damytý, ınvestısııa tartý salasyn jetildirý jáne 2015 jylǵy Áriptestik jáne yntymaqtastyq týraly kelisimde kórsetilgen basymdyqtardy júzege asyrý jumystaryn jalǵastyrý jaıyna da toqtaldy.

– Nursultan Nazarbaevtyń ótken jyldyń qazan aıyndaǵy Brıýsselge jasaǵan saparyn, sol kezdegi ASEM sammıtindegi sóı­legen sózin biz joǵary baǵalaımyz. Taıaýda ǵana Beıjińde ótken «Bir jol, bir beldeý» forýmynda da Nursultan Nazarbaev jahandyq dıalogty damytý máselesin kóterdi. Bul Qazaqstannyń álemdik qoǵamdastyqta úlken abyroıǵa ıe ekenin kórsetedi, – dedi ol.

Sońǵy jańalyqtar

Atyraý: Úsh aptada 17 bala joǵaldy

Aımaqtar • Búgin, 11:06

Úndistanda 47 gradýs ystyq boldy

Álem • Búgin, 09:37

80 jyldan keıin ıesin tapqan hat

Rýhanııat • Búgin, 09:22

Taldyqorǵanda úshem dúnıege keldi

Aımaqtar • Búgin, 09:06

Munaı-gaz sektorynyń syn saǵaty

Ekonomıka • Búgin, 07:22

Qomaqty qarjy bólinedi

Pikir • Búgin, 07:20

Mal baqqanǵa bitedi

Aımaqtar • Búgin, 07:10

Jatyr moıny obyrynyń aldyn alady

Medısına • Búgin, 06:57

Zulmat zardaby

Tarıh • Búgin, 06:54

Qala damýyna qarqyn beredi

Ekonomıka • Búgin, 06:46

Dala danyshpany

Abaı • Búgin, 06:43

Turar Rysqulov tálim alǵan mektep

Tarıh • Búgin, 06:38

Halyq únemdeýge kóshti

Ekonomıka • Búgin, 06:35

Indetti tártip jeńedi

Koronavırýs • Búgin, 06:31

Uly náýbet: qasireti men taǵylymy

Tarıh • Búgin, 06:30

Tyńaıtqysh topyraqty qunarlandyra ma?

Ekologııa • Búgin, 06:27

Abaı murasy Bishkekte talqylandy

Rýhanııat • Keshe

Uqsas jańalyqtar