Jeńis kúni qarsańynda ardagerlermen kezdesken oblys ákimi Amandyq Batalov:
- Soǵystyń aıaqtalǵanyna 74 jyl ótti. Biraq sol surapyl jyldardaǵy bizdiń ata-apalarymyzdyń erligi áli kúnge bizdiń jadymyzda. О́kinishke qaraı, ortamyzdaǵy soǵys ardagerleriniń qatary kúnnen kúnge sırep barady. Oblysta ardagerler men basqa da sanattaǵy azamattarǵa sanatorııde tegin emdelý men ońaltý sharalary úshin 470 mln teńge bólinip otyr. Sol sııaqty Uly Otan soǵysy ardagerleri men múgedekterine qosalqy jáne kómekshi quraldar úshin jergilikti bıýdjetten 3 mlrd teńgeden astam qarjy qarastyryldy. Jeńis kúnine oraı oblystyq qazynadan árbir soǵys ardagerine bir rettik materıaldyq kómek retinde 500 myń teńgeden beriledi, - dedi.
Oblys ákimdiginde ótken saltanatty qabyldaýdan keıin ardagerlerge arnaıy dastarhan jaıyldy. Oǵan oblystyń túkpir-túkpirinen 150 ardager men tyl eńbekkeri qatysty.
Almaty oblysy
