Áýeli Uly Otan soǵysynyń qaharmandary Aǵadil Sýhambaev, Ybyraıym Súleımenov eskertkishterine, Taraz qalasyndaǵy «Qarasý» yqshamaýdanyndaǵy eskertkishke, Zoıa Kosmodemıanskaıa, Taıyr Tastandıev eskertkishterine, sonymen qatar «Qumshaǵal» aımaǵyndaǵy eskertkish pen «Qant zaýyty» kentindegi obelıskige gúl shoqtary qoıyldy. Maıdan kórgen qarııalar men eńbek ardagerleri, sonymen qatar jastar Jeńis kúnin jaqyndatqan jaýyngerlerdiń rýhyna taǵzym etip, erlikterin eske aldy.
Budan keıin «Qaharman ult – Bessmertnyı polk» sherýi Keńes Odaǵynyń Batyry Aǵadil Sýhambaev eskertkishinen Dinmuhamed Qonaev kóshesi men I.Jansúgirov kóshesi arqyly Baýyrjan Momyshuly saıabaǵyndaǵy «Erlik» memorıaldy keshenine deıin júrip ótti. Sherýge 2000-nan astam Taraz qalasynyń turǵyndary qatysty. Uly Jeńis kúni merekesine oraı, atalǵan saıabaqtaǵy «Máńgilik alaýǵa» jáne dańqty batyr Baýyrjan Momyshulynyń eskertkishine saltanatty gúl qoıý rásimi ótti.
О́tken jyly Uly Jeńis kúni jambyldyqtardyń esinde máńgilik estelik bolyp qalǵany shyn. Taraz qalasyndaǵy burynǵy «Jeńis» saıabaǵy qaıta jańǵyrtylyp, Baýyrjan Momyshuly saıabaǵy bolyp ataldy. Sonymen qatar, atalǵan saıabaqtan «Erlik» memorıaldyq kesheni ashylyp, «Dańq» alleıasy boı kóterdi. Baýyrjan Momyshulynyń eskertkishi ornatyldy. Al, bıyl Uly Otan soǵysynda erliktiń óshpes ónegesin kórsetken ardagerlerge arnalyp «Dańq» zaly ashyldy. Zaldyń ashylý saltanatynda Uly Otan soǵysynyń ardageri, Jambyl oblysynyń qurmetti azamaty Tileýqabyl Tórebekuly, Eńbek ardageri Anatolıı Panteleımonovıch, Baýyrjan Momyshulynyń kelini Zeınep Ahmetova, Qazaqstan Respýblıkasy Memlekettik syılyǵynyń ıegeri, ǵalym Mekemtas Myrzahmetuly sóz sóıledi. Aıta keteıik, «Dańq» zalynyń eskızdik jobasyn «Archi-Grup» jaýapkershiligi shekteýli seriktestigi ázirlegen bolatyn. Atalǵan murajaı Baýyrjan Momyshuly atyndaǵy «Jeńis» saıabaǵynda ornalasqan jáne jalpy aýmaǵy 16 gektardy quraıdy. Nysanǵa jer sharynyń 80 paıyzyn qamtyǵan Uly Otan soǵysy men Aýǵan soǵysy jyldaryn beıneleıtin eksponattar qoıylǵan. Atalǵan murajaı 1939 jyldyń 1 qyrkúıeginen bastalyp 1945 jyldyń 2 qyrkúıeginde aıaqtalǵan qan maıdannan kórinis beretin, mol maǵlumattar alatyn ordaǵa aınalyp, jastarǵa ónege beretin ordaǵa aınalady. Sonymen qatar, «Baýyrjantaný» ortalyǵy da osy murajaıda ornalasatyn bolady. Al, Uly Jeńis merekesi kúni ardagerler men tyl eńbekkerlerine arnalyp «Soldat botqasy» dastarhany jaıylyp, konserttik baǵdarlama uıymdastyryldy.
Uly Jeńis árbir maıdangerdiń erligin aıǵaqtaıtyn uly kún. Sol bir qaraly jyldary Jambyl oblysynan qan maıdanǵa 120 myńnan astam jaýynger attanǵan eken. Taǵdyrdyń jazýymen 32 myń jaýynger týǵan topyraǵyna oralǵan joq. Endi sol bir almaǵaıyp zamanda Otan úshin ot keshken, shahıt bolǵan batyrlardy eske alý, olardyń erligin dáripteý búgingi urpaqtyń mindeti. Maıdanda eren erlik kórsetken 39 jambyldyq Keńes Odaǵynyń Batyry atansa, 9 jerlesimiz «Dańq» ordeniniń tolyq ıegeri atandy. Búgingi tańda 75 ardager ortamyzda júr. Uly Jeńis merekesi qarsańynda Jambyl oblysynyń ákimi Asqar Myrzahmetov árbir maıdangerdiń úıinde bolyp, olardy merekesimen quttyqtaǵan bolatyn. Sonymen qatar, jambyldyqárbir maıdangerge 300 myń teńgeden berildi.
Jambyl oblysy
