Jaýyngershe kıingen, basynda pılotkasy bar, janyndaǵy ıttiń arqasyna jaýyngerlik sómkesin artqan medbıke jaýyna ójettene qarap tur. Bir qyzyǵy, bul eskertkishti eshqandaı qoǵamdyq uıym nemese jergilikti atqarý organdary qoıǵan joq, aýylsharýashylyǵyndaǵy jáı kásipker Bek Júsipov óziniń bastamasymen ornatty.
«Bul bastama belgili azamat Jandilda Maqanov ekeýmizdiń oıymyz edi. Biraq ótken jyly Jandilda marqum bolyp ketti, endi men osy oıdy aıaǵyna deıin jetkizýdi maqsat ettim. Soǵysta medbıkeler ómir úshin ajalmen arpalysty. Talaı soldatty aman alyp qaldy. Jeńistiń jaqyndaýyna maıdanda erlik kórsetken apalarymyz ben ájelerimizdiń zor úlesi boldy. Olardyń erligine taǵzym bolsyn dep, osy eskertkishti ornattym» deıdi Bek Júsipov. Eskertkish plastıkten, Aqtóbe qalasynda jasalypty. Kásipker onyń búkil shyǵynyn da ózi kóterdi. Eskertkishtiń tuǵyryna «Jeńis úshin medbıkelerge rahmet!!! Júsipovter-Maqanovtar otbasylarynan jáne barlyq halyq atynyn» dep jazylǵan.
Jeńis merekesi kúni eskertkishke gúl shoqtaryn qoıǵan qostanaılyqtar da kóp boldy.
