12 Mamyr, 2019

ShQO-daǵy bir aýylǵa 397 fashısti óltirgen batyrdyń esimi berildi

1647 retkórsetildi

Ekinshi dúnıe júzilik soǵysta eren erlik kórsetip, eki jyl muǵdarynda 397 fashıstiń, ıaǵnı 1 batalon nemistiń kózin joıǵan surmergen.


Jeńis merekesi qarsańynda Ekinshi dúnıe júzilik soǵysta eren erlik kórsetip, eki jyl muǵdarynda 397 fashıstiń, ıaǵnı 1 batalon nemistiń kózin joıǵan surmergen Tóleýǵalı Ábdibekovke týǵan topyraǵynda erekshe qurmet kórsetilip, Jarma aýdanynyń Qyzyl Juldyz aýylyna batyr esimi berildi.

1916 jyly Jarma aýdanynda dúnıege kelip, 1942 jyly áıgili 8-shi panfılovshylar dıvızııasynyń sapyna alynyp, 1944 jylǵy 23 aqpanǵa deıin jaýdy qoǵadaı japyryp, maıdan dalasynda qaza tapqan qazaqtyń qaısar uly ómirden ótken soń Keńes Odaǵynyń Batyry ataǵyna usynylǵanymen, berilmegeni belgili. Surapyl soǵysta eń myqty 15 mergenniń tizimine engen jaýjúrek jaýyngerdiń bul ataqqa qol jetkize almaǵanyna aǵasy Kemelbaıdyń «halyq jaýy» retinde ustalyp ketkenin anketasyna jasyrmaı jazǵany da sebep bolǵany anyq.

Desek te erlik el jadynan óshpeıdi eken, er esimi kóńilderden kóshpeıdi eken. 8 mamyr kúni jarmalyqtar buǵan deıin Qyzyl Juldyz atalyp, jýyqta ǵana surmergen esimi berilgen aýylǵa jınalyp, batyr rýhyna taǵzym jasady. Osy kúni Tóleýǵalı Ábdibekovtiń jaqyn ýaqytta boı kóteretin eskertkishiniń irgetasy qalandy. Saltanatty rásimge Jarma aýdanynyń ákimi Ahmetqalı Nurǵojın, Almatydaǵy M.Áýezov atyndaǵy Ádebıet jáne óner ınstıtýty abaıtaný jáne ádebıet tarıhy bóliminiń meńgerýshisi, professor Serikqazy Qorabaı qatysyp, quttyqtaýlaryn jetkizip, jyly lebizderin bildirdi. Batyrdyń týysy, aýdandyq Mádenıet úıiniń dırektory Amanjol Daýytovtyń aıtýynsha, «Almaty-О́skemen» jolynyń boıyndaǵy eskertkish jarmalyq azamattardyń qarjysyna turǵyzylmaq. «Batyrǵa qurmet-qoshemet áýeli týǵan topyraǵynan bastalýy kerek dep uıǵaryp, osy ıgi isti qolǵa alyp jatyrmyz. Aldaǵy ýaqytta Semeı men О́skemende, jalpy elimizde surmergenge laıyq qurmet kórsetiledi dep oılaımyz. Tóleýǵalı Ábdibekovke «Halyq Qaharmany» ataǵyn berý kerek dep usynys aıtyp júrgen jandardyń qatary az emes. Bálkim, jaqyn jyldary el kókeıindegi bul tilek oryndalady dep úmit etemiz», – deıdi ol.

  

Oraıy kelgende aıta keteıik, batyrdyń №2916 nómirli snaıper vıntovkasy Almatydaǵy Memlekettik mýzeıde saqtaýly tur. Surmergen qaza tapqannan keıin onyń dosy Áshiráli Osmanálıev osy vıntovkamen jaýdyń 128 soldatyn jer qaptyrdy degen derek bar.

Shyǵys Qazaqstan oblysy,

Jarma aýdany


Sońǵy jańalyqtar

Fýtbol maýsymy jalǵasa ma?

Sport • Búgin, 14:48

Qyzylorda oblysynda qylmys azaıdy

Aımaqtar • Búgin, 11:49

Qostanaı qalasy jartylaı jaryqsyz qaldy

Aımaqtar • Búgin, 11:06

Karantındegi Qaraǵandynyń «qyzyqtary»

Aımaqtar • Búgin, 11:05

Álemdegi ahýal qandaı?

Koronavırýs • Búgin, 10:57

Onlaın formatta otbasylyq baıqaý ótti

Aımaqtar • Búgin, 10:37

Qytaı: Ýhanda karantın aıaqtaldy

Álem • Búgin, 10:08

Daýyl «dertimizdi» anyqtap berdi

Aımaqtar • Búgin, 10:02

Qyzylorda: Taǵy 3 adam tirkeldi

Aımaqtar • Búgin, 09:57

MMA: UFC-di synǵa aldy

Sport • Búgin, 09:20

Elimizde vırýs juqtyrǵandar sany 700-den asty

Koronavırýs • Búgin, 08:48

Eń bastysy – úılesimdi jumys isteý

Saıasat • Búgin, 08:00

Judyryqtaı jumylaıyq

Rýhanııat • Búgin, 07:45

Uqsas jańalyqtar