Aımaqtar • 13 Mamyr, 2019

Qoskóldiń arnasy sýǵa tola bastady

708 retkórsetildi

Tarbaǵataı aýdanyndaǵy Qos­kól ózeniniń arnasy sýǵa tolyp, lastanǵan sýy tazara bastady. Osyn­daı jaǵymdy jańalyqty bizge «Tarbaǵataı tabıǵaty» qo­­­­­ǵamdyq birlestiginiń tóraǵasy, aýdandyq máslıhat depýtaty Er­jan Quttybaev súıinshileı jetkizdi.

Tabıǵat janashyrynyń aıtýynsha, ekologııalyq jaǵynan taza, qustary kóp (ásirese, dala úırek­teri), aqsýattyqtardyń súıik­­ti demalys ornyna­­ aı­­­nalǵan ózenniń sýy 5-6 jyl buryn buzylyp, sýǵa tús­ken adam­­­dar­­­dyń deneleri bórtip shyǵa ke­lipti. «Sodan keıin jergilikti tur­­ǵyndardyń su­raýy boıynsha kól sýyn alyp, aýdandyq SES mekemesi ar­­­­qy­ly О́skemenniń zerthanasyna jibergenimizde sýdyń quramynda zııandy zat­­­­­tardyń barlyǵy anyqtalyp, Qoskóldiń sýyna adamdar túsýge bolmaıdy degen qorytyndy ber­di. О́tkenge sál sheginis ja­­­sa­­­­saq, Qoskóldiń sýy Keńes za­­­ma­­nynda qurǵaqshylyq jyldarynda bir márte tartylyp qalǵ­an bolatyn. Mine, sol kezde aýdandyq partııa komıtetiniń birinshi hatshysy Tursynǵazy Qobaev tabıǵat qorǵaýǵa úlken úlesin qosyp, Amangeldi (qazirgi Kókjyra) sovhozyna tapsyrma berip, Qarymsaq toǵanynan sý ákeldirip, kóldiń kózin ashtyryp, Qos­kóldi qalpyna keltirip, aman alyp qalyp edi. Bul jumysqa mar­qum Seıseke Naǵymjanov bel sheshe kirisken edi. Endi mine, osyn­­daı ıgilikti isti aýdanymyzǵa jańa kelgen ákim Serikqazy Qu­­saıynuly jalǵastyryp, uzaq ýaqyt paıdalanýǵa jaram­syz bolyp qalǵan kólge sý tartqyzyp, qalpyna keltirý jumysyn bas­tap jiberdi. 23 sáýir kúni Qa­rymsaq toǵanynan Qoskólge sý tartqyzdy. Týra sol kúnnen bas­­tap Qoskóldiń arnasy tola bastady. Osyndaı jaqsylyqty estigennen keıin aýdandyq más­­lıhat hatshysy Sáýmen Jaqaev, más­lıhattyń apparat basshysy Danııar Janatpen birge Qos­kóldiń basyna baryp, óz kózi­mizben kórip qaıttyq. Bul iske atsalysqan Sátbaev aýylynyń azamattaryna, demeýshi bolǵan kásipker Rústem Yqybaevqa, «Kókjyra» kooperatıviniń tór­­­­­aǵa­sy Baǵdat myrzaǵa, depýtat Kenjebek Shynybaevqa aýyl tur­ǵyndary alǵystaryn aıtýda. Kól basynda Sátbaev aýylynyń turǵyny Shúkirat Qulmanovpen kezdeskenimizde bizge ózenge ıe bolatyn qojaıyn kerektigin aıtyp: «Sonda kólge kelgender mashınalaryn jýmaıdy, qoqys shashpaıdy» degen ótinishin jetkizdi», – deıdi E.Quttybaev.

 

Shyǵys Qazaqstan oblysy,

Tarbaǵataı aýdany

Sońǵy jańalyqtar

Járken Bódesh. Týǵan jer

Vıdeo • Búgin, 19:33

Atyraýda qylmystyq top quryqtaldy

Aımaqtar • Búgin, 19:09

Qarttar úıindegi qasiret

Aımaqtar • Búgin, 18:33

Qazaq aqyny qyrǵyzsha jyrlandy

Rýhanııat • Búgin, 18:12

Qyzylorda: Kásipker kómek kórsetti

Aımaqtar • Búgin, 16:27

Betperde kıgen kóktem - 7

Qoǵam • Búgin, 16:07

Dárigerler demalys bazasynda tynyǵady

Aımaqtar • Búgin, 15:26

Samsung taǵy ne patenttedi?

Tehnologııa • Búgin, 15:23

Uqsas jańalyqtar