Sapar barysynda partııa Tóraǵasy Nursultan Nazarbaevtyń «Qutty meken» partııalyq jobasyn júzege asyrý maqsatynda «Nurly jol», «Nurly jer» memlekettik baǵdarlamalary aıasynda salynyp jatqan kópqabatty turǵyn úıdiń qurylysymen tanysty.
Oblystyq qurylys basqarmasynyń basshysy Jaıyqbaı Shaldarov №15 shaǵyn aýdandaǵy 80 páterli turǵyn úı qurylysy 2018 jyly qarasha aıynda bastalǵanyn, bas merdiger – «Agromamandandyrylǵan qurylys» JShS ekenin aıtyp ótti. Sonymen qatar 5 qabatty kóppáterli turǵyn úı aǵymdaǵy jyly shilde aıynda paıdalanýǵa beriledi dep josparlanǵanyn da jetkizdi.
Nur Otan partııasy Jambyl oblystyq fılıaly Partııalyq baqylaý komıssııasynyń
tóraǵasy Abaı Nurjanov, Taraz qalasy ákiminiń mindetin atqarýshy Beısenbek Janbosynov
ótken jyly «Nurly jer» memlekettik baǵdarlamasyn iske asyrý maqsatynda respýblıkalyq
bıýdjetten jalǵa beriletin turǵyn úı qurylysyna 1 mıllıard 406 mıllıon 511 myń
teńge, oblystyq bıýdjetten 164 mıllıon 245 myń teńge qarajat bólinip, «Araı» turǵyn
úı alabynda jáne «Báıterek» shaǵyn aýdanynda jalpy turǵyn úı alańy 14 myń sharshy metrdi
quraıtyn 3 turǵyn úı, ıaǵnı 240 páter paıdalanýǵa berilgenin atap ótti. Nesıege beriletin
turǵyn úı qurylysyna 4 mıllıard teńgeden asa qarajat bólinip, №15 shaǵyn aýdanda
80 páterli 10 turǵyn úıdiń qurylys jumystary bastalyp,
9 úı paıdalanýǵa tapsyrylǵan. Jalpy ótken jyly 12 kópqabatty turǵyn úı, ıaǵnı
960 páter paıdalanýǵa berilgen. Al №15 shaǵyn aýdandaǵy 80 páterli 9 turǵyn
úıdiń qurylysy byltyr qarasha aıynda bastalyp, bıyl tamyz aıynda aıaqtalady dep
josparlanyp otyr. Bul qurylysqa jalpy quny 5 mıllıard teńgeden asa qarjy qarastyrylǵan
bolatyn.
Jambyl oblysy
