Maıdangerge qurmet

Aýyl ákimi Ardaq Kisen­­taevtyń aıtýynsha, jasy 94-ke kelgen Ma­ǵaz ata aýdanǵa, aýylyna syı­ly. Taý baýraıynda týyp-ósken atamyzdyń den­­saýlyǵy da týǵan jeri­niń tabıǵatymen úndestik tapqandaı. Tyń.

1942 jyly maıdanǵa attanyp, 2-Ýkraın maıdany shebinde soǵysqan, 2 ret «Erligi úshin»,  «Ger­manııany jeńgeni úshin», «Marshal Jýkov» medaldarymen, II dáre­jeli «Otan soǵysy» orde­nimen marapattalypty.

Maǵaz Birimjanuly uzaq jyl qoı baǵypty, 1995 jyly «Maǵaz» sharýa qojalyǵyn quryp, 2016 jylǵa deıin sha­rýa qojalyǵyn bas­qardy. Aýdandaǵy mal sharýa­shy­lyǵyn damytýǵa súbeli úles qosty. Eń­bek Qyzyl Tý or­deni, «Eńbek­tegi er­ligi úshin» medalimen mara­pat­tal­ǵan. Aýdannyń qur­metti azamaty.

Aqsaqal búgingi kúni sharýa qo­­­jalyǵyn basqarýdy, ıaǵnı ata taıaǵyn ustaýdy uly Jańbyrbaıǵa bergen. Báıbishesi Qońyrtaı apa ekeýi 4 ul, 1 qyzdy tár­­bıe­lep ósirdi. Qazirgi kú­ni 18 neme­resi men 30-ǵa jý­yq shóbere-jıenderiniń ortasynda baqytty ómir súrip jatyr.

– Mereke kúni Maǵaz atamyzdy quttyqtap baramyz. Soǵysqa qatysqan ar­dagerlerge bir rettik kó­mek retinde 150 myń teń­ge beriledi, – deıdi aýyl ákimi.

Kúni keshe oblys ákimi Bolat Baqaýov Maǵaz aq­­­­sa­qaldy da 9 mamyr me­­re­kesimen quttyqtap, syı-qurmet kórsetti. Maı­dan­­­gerdiń urpaqtary da áke shańyraǵyna jınaldy.

– Oblys basshysy áke­mizdi eske alyp, merekemen quttyqtaýǵa kelgenine qat­ty qýandyq, – deıdi ata­myzdyń uly Baıanbek.

Pavlodar oblysy,

Baıanaýyl aýdany