Prezıdent • 13 Mamyr, 2019

Nursultan Nazarbaev Ýılıam Mozerdi qabyldady

737 retkórsetildi

Nursultan Nazarbaev Amerıka Qurama Shtattarynyń Qazaqstandaǵy Tótenshe jáne ókiletti elshisi Ýılıam Mozerdi qabyldady.

Elbasy Nursultan Nazarbaev Ýılıam Mozerdi Qazaqstandaǵy dıplomatııalyq mıssııasynyń bastalýymen quttyqtap, jaýapty qyzmetiniń tabysty bolýyna nıettestik bildirdi. 

– Osy jyldar ishinde biz AQSh-pen ózara túsinistikke jáne dostyqqa negizdelgen qatynastar ornattyq. Qazaqstanǵa AQSh-tan qomaqty ınvestısııa keldi. 420 birlesken kásiporyn jumys istep keledi. Meniń Vashıngtonǵa jasaǵan byltyrǵy saparym, sonyń aıasynda Prezıdent Donald Tramppen jáne bıznesmendermen bolǵan kezdesýim yntymaqtastyǵymyzdy odan ári damytýǵa jaǵdaı jasady, – dedi Qazaqstannyń Tuńǵysh Prezıdenti.

Ýılıam Mozer Qazaqstanǵa alǵash ret kelgendegi áseri týraly aıtty. AQSh elshisi elordamyz – Nur-Sultan qalasyn salý jáne tanytý isindegi aıtarlyqtaı nátıjege qysqa ýaqyt ishinde qol jetkizilgenin atap ótti.  

Sonymen qatar, AQSh elshisi Ý.Mozer Nursultan Nazarbaevqa Donald Tramptyń hatyn berdi. Onda AQSh Prezıdenti Elbasynyń óz ókilettigin toqtatý jáne memleket basqarý isin saıasatkerlerdiń jańa býynyna berý týraly sheshimine qoldaý bildiredi.

– Men Prezıdent Tramptyń hatyn aldym. Ol bizdiń óńirdegi ahýal týraly aldaǵy ýaqytta da menimen kezdesip, aqyldasyp otyrýǵa nıetti ekenin jetkizdi. Donald Tramppen jaqsy qarym-qatynas ornady. Men osyndaı baılanysta bolýǵa daıynmyn. Biz úshin AQSh mańyzdy seriktes sanalady. Osy jyldar ishinde aramyzda tek dostyq qatynastar boldy. Yntymaqtastyǵymyz jalǵasa beredi dep senemin, – dedi Nursultan Nazarbaev.

Banner
Sońǵy jańalyqtar

Hat qorjyn (23.09.2019)

Qoǵam • Keshe

Qostanaı qysta tońbaıdy

Aımaqtar • Keshe

«Mal da joq, qaıyr da joq»

Qazaqstan • Keshe

Halhyn-gol shaıqasynyń qaharmany

Rýhanııat • Keshe

Aqyn toıyna daıyndyq qalaı?

Rýhanııat • Keshe

Uqsas jańalyqtar