Ekonomıkalyq tergeý departamentiniń qyzmetkerleri salyqtan jaltarǵan kásipkerlerge jalǵan shot-faktýralar berip kelgen uıymdasqan qylmystyq topty áshkerelegen bolatyn.
«Jedel-izdestirý sharalary arqasynda uıymdasqan qylmystyq top byltyr maýsym aıynda quryqtalyp, kelisimderdiń jalǵandyǵy naqty faktilermen dáleldendi. Tergeý amaldary barysynda memleket qazynasyna 2 mıllıard teńgeden astam shyǵyn kelgeni anyqtaldy. Olardyń zańsyz qyzmetine 300-den astam bıznes ókilderi júgingen», deıdi ekonomıkalyq tergeý departamentiniń bastyǵy Nurymjan Abatov.
Onyń aıtýynsha, qazirgi ýaqytta 25 mıllıon teńge bıýdjetke qaıtarylǵan. Al 206 tomnan turatyn qylmystyq is sotqa jiberilip, qylmyskerler tıisti jazasyn alatyn bolady.
