Sýretti túsirgen Orazbek Saıahat
Nur Otan partııasy usynǵan Prezıdenttikke kandıdat Qasym-Jomart Toqaevty qoldaý maqsatyndaǵy jıynǵa qalalyq máslıhat depýtaty Qobylanbek Qojın, óńirdegi medıasııa ortalyǵynyń jetekshisi Olga Nıkolashına bastaǵan senimdi ókilder sóz sóılep, aldaǵy 9 maýsymda elimizde kezekten tys ótetin Prezıdenttik saılaýǵa qatysýdyń mańyzdylyǵyn, laıyqty kandıdatqa tańdaý qajettigin atap ótti.
Al, Nur Otan partııasynyń múshesi, «Pavlodar munaı-hımııa zaýyty» JShS bas dırektory Ospanbek Álseıitov bolashaq úshin durys tańdaý jasaý kerektigin aıtty.
- Biz qazir durys baǵytta kele jatyrmyz. Elimizge osy baǵyttan ózgerýge bolmaıdy. Elbasy bastaǵan joly ary qaraı jalǵasyn tabýy tıis. Sol sebepti, bolashaq úshin durys tańdaýǵa tıispiz, - dedi Ospanbek Álseıitov.
Sonymen birge, S. Toraıǵyrov atyndaǵy oblystyq kitaphanada saılaýdy baqylaýǵa keletin Halyqaralyq baıqaýshylarǵa kómek kórsetý ortalyǵy ashyldy.
Ortalyq múshesi, ǵalym Ǵanı Elmuratovtyń aıtýynsha, oblysqa 400-ge tarta baqylaýshy kelmekshi.
Ortalyqta saılaýǵa shetelden keletin baqylaýshylarǵa ortalyq jumys jasaýǵa arnalǵan qural-jabdyqtarmen jabdyqtalyp, ınternet jelisine qosylǵan.
