Darhan Asadilov, Dıdar Ámiráli, Gýzalııa Gafýrova, Danııar Iýldashev bastaǵan Qazaqstan komandasynyń músheleri álem jáne Eýropa chempıony Ýgýr Aktas, Salaman Eraı (Túrkııa), Eýropa chempıonaty men Premer-lıga týrnırleriniń júldegeri Gabor Harspatakı (Vengrııa), Alvın Karakı (Kosovo), sondaı-aq, Taıpeı, Belgııa, Serbııa, Nıderland sportshylarymen birge daıyndalýda.
Álemniń 10 memleketinen kelgen úzdik sportshylar Ystanbulda ótetin A serııasyndaǵy kezekti Premer-lıga týrnıriniń aldynda bas qosqan. Jarys 17-19 mamyr kúnderi ótedi.
«Komanda músheleriniń Premer-lıga týrnırlerine qatysýy olardyń reıtıngtegi jaǵdaıyn jaqsarta túsedi. Al álemniń eń myqty sportshylarymen birge jattyǵý jıynyn ótkizý olardyń sheberligin arttyratyny sózsiz. Onyń ústine, dál osy jıynǵa bizdiń sportshylarmen ıyq tirestirip júrgen álem úzdikteri jınalǵan. Mundaı jattyǵý kezeńderi qarsylasty tolyǵyraq zertteýge múmkindik beredi» deıdi karateden Qazaqstan komandasynyń bas bapkeri Jastalap Sanaýov.
