Ulttyq ekonomıka mınıstri R. Dálenov qańtar–sáýir aılarynda JIО́ ósimi 4% jetkenin aıtty.
«Qańtar-naýryzda ol 3,8% qurady. Atalǵan qarqynǵa óńdeý ónerkásibindegi, qyzmetter salasyndaǵy jedeldeý, sondaı-aq, qurylys pen aýyl sharýashylyǵyndaǵy turaqty qarqyndardyń arqasynda qol jetkizildi», dedi R. Dálenov.
Investısııalar serpini jalpy ishki ónimniń ósý qarqynynan asyp túsedi. О́sý 6,7%-dy qurady. Aýyl sharýashylyǵynda, qurylysta jáne ónerkásipte ınvestısııalar aıtarlyqtaı ósti. Bıylǵy 1 sáýirde halyqaralyq qorlar $86 mlrd qurady.
Qańtar-sáýirde ónerkásip óndirisi 2,9%-ǵa ósti. О́sim óńdeý ónerkásibindegi ozyq qarqyndary esebinen qamtamasyz etildi.
«О́ńdeý ónerkásibinde ósýge baǵyttalǵan trend saqtalyp otyr. 4 aıda shyǵarylym 3,5% deıin ulǵaıdy. I toqsanda ósý 1,6% quraǵan bolatyn. О́ńdeý qarqynynyń artýyna munaıdy qaıta óńdeýdegi, mashına jasaýdaǵy, sýsyndar óndirýdegi ósýdiń údeýi, sondaı-aq farmasevtıkanyń plıýstik aımaqqa shyǵýy áser etti», dedi R. Dálenov.
Al qurylys salasyndaǵy serpin turaqty. Qurylys jumystarynyń kólemi 8,4%-ǵa ósti.
Aýyl sharýashylyǵy turaqty ósý qarqynyn ustap tur. О́ndiris kólemi 3,6%-ǵa artty. О́sý mal sharýashylyǵynyń 3,7%-ǵa ulǵaıýy esebinen qamtamasyz etildi. Bul rette, ósimdik sharýashylyǵy ótken jylǵy deńgeıde saqtaldy.
Sonymen qatar, ósýdiń jedeldeýi kórsetiletin qyzmetter salasynda baıqalady. Esepti kezeńde ol I toqsandaǵy 3,7% qaraǵanda 4,2% ósti.
«Saýda – kórsetiletin qyzmetter segmentinde ósýdiń aldyńǵy qatarynda. Onyń ósýi 7,3% deńgeıinde tirkeldi. Bul negizinen avtokólik quraldaryn, avtobólshekterdi, munaı ónimderin jáne janar-jaǵar maı satýdy arttyrýmen baılanysty», dedi Ulttyq ekonomıka mınıstri.
Kólik salasynda 4,8%-ǵa deıin údeý tirkeldi: áýe kóliginiń júk aınalymy 1,9 esege, avtomobıl kóliginiń júk aınalymy 9,7%-ǵa ósti.
Osy jylǵy qańtar-naýryzda syrtqy saýda aınalymy $20,4 mlrd quraǵanyn aıta ketken jón. Eksport kólemi $13,3 mlrd qurady. Munaı men metaldardy qospaǵanda eksporttyq jetkizilimderdiń ósýi eki tańbaly sanǵa jetti – 19,8%.
Ulttyq bank tóraǵasy E. Dosaev 2019-2020 jj. ınflıasııa belgilengen maqsatty dáliz 4-6% sheginde saqtalǵanyn aıtty. Jyl basynan beri kórsetkish 1,8% qurady. Sáýirde aılyq ınflıasııa 0,5% qurady. Teńge jyl basynan beri 1% nyǵaıdy.
«7-20-25» baǵdarlamasy aıasynda 12 830 ótinim qabyldandy. Búginde 88,2 mlrd tg jalpy somasyna 7 633 ótinim maquldandy, onyń 74,9 mlrd teńgege 6 380-i berildi.
Salalyq baǵyttar boıynsha kórsetkishterdiń tómendeý sebepteri jáne oń qarqynǵa qol jetkizý úshin jasalyp jatqan jumystardy qaraý barysynda Indýstrııa jáne ınfraqurylymdyq damý mınıstri R. Sklıar, Energetıka birinshi vıse-mınıstri M. Dosmuhambetov, Mańǵystaý oblysynyń ákimi E. Toǵjanov, Aqmola oblysynyń ákimi E. Marjyqpaev, Nur-Sýltan qalasynyń ákimi B. Sultanov baıandama jasady.
Indýstrııa jáne ınfraqurylymdyq damý mınıstri R. Sklıar málimdegendeı, aǵymdaǵy jyldyń sońyna deıin kómir óndirý, qara metallýrgııa, temir kenin óndirý kólemi boıynsha jaǵdaı retke keltiriledi.
«Kómir óndirýshi kompanııalardyń kelisimsharttary bar, josparly kórsetkishterge qol jetkizemiz. Qara metallýrgııaǵa keler bolsaq, táýligine 12 myń tonnaǵa jetti, mamyr aıynyń sońyna qaraı shamamen 340 myń tonna bolat shyǵarylady, mamyr aıynyń sońyna deıin qara metallýrgııa óndirisiniń josparlanǵan kórsetkishterine jetemiz», dedi R. Sklıar.
Energetıka birinshi vıse-mınıstri M. Dosmuhambetov bıylǵy tórt aıda munaı óndirý kórsetkishteri 29,5 mln tonnany quraǵanyn, bul josparǵa 100% sáıkes ekenin aıtty. Alaıda, ótken aımen salystyrǵanda, aǵymdaǵy jyldyń mamyr aıynyń sońyna deıin aıaqtalýy tıis, ken oryndaryndaǵy josparlanǵan jumystarmen baılanysty 1,1% -ǵa tómendeý baıqalady. Jumysty qalpyna keltirýge baılanysty jyl sońyna deıin munaı óndirý kórsetkishteri josparlanǵan kestege sáıkestendiriledi.
