Mundaı iri kórsetkishke «Qazatomónerkásip» ulttyq kompanııasynyń jaı aksııalary áser etti. Atap aıtqanda, ulttyq atom kompanııasynyń qundy qaǵazdary 792 250 165 teńgege baǵalanyp, 468 kelisim jasalǵan. Sol sııaqty «Qazatomónerkásiptiń» jahandyq depozıtarlyq qolhattarynyń negizinde 15 kelisimge qol jetkizildi.
Al reseılik Polymetal International PLC-diń qundy qaǵazdar naryǵyndaǵy jaı aksııalarynyń sáýirdegi aınalymy 20 340 006 dollarǵa jetipti.
Taǵy bir aıta keterligi, AIX-tyń alańy jańa oıynshylarmen tolyqty. Atap aıtqanda, halyqaralyq bırjanyń Eýrazııalyq damý banki men «BankSentrKredıt» AQ jańa múshelerdiń qataryn tolyqtyrdy.
Aıta keteıik, AHQO-nyń bırjasy – AIX 2017 jyly qarjy ortalyǵyn damytý tujyrymdamasy aıasynda qurylǵan-dy. Araǵa bir jyl salyp, byltyr qarasha aıynda Elbasy Nursultan Nazarbaevtyń pármenimen baǵaly qaǵazdardyń alǵashqy saýdasy iske asyryla bastady. AHQO-dan basqa elordalyq bırjanyń aksıonerleri quramyna – GoldmanSachs, Shanhaı qor bırjasy, Jibek joly qory, sol sııaqty www.aix.kz veb-resýrsynda AIX-qa saýda platformasyn usynatyn NASDAQ kiredi.
Jaqsylyq MURATQALI,
jýrnalıst
