Qudaıy nan taratqan qulynshaq

Men de ishte áńgime-dú­ken qurysyp, shaı ústinde otyr­ǵandarǵa tezirek qosyla ketýim kerek edi. Biraq eki qolyna eki shelpek ustaǵan álgi kishkentaı qyz­dan kózimdi aıyra almaı qarap turyp qaldym. Álgi qyz­ qolyndaǵysymen oń jaq bú­­ıirdegi qarama-qarsy kóp qa­batty úıdiń aldyna sheıin ba­ryp keldi. Ol alańqaıda jan adam joq. Shelpekti qyz qasyndaǵy birge oınap júr­gen úsh-tórt qurbysyn kút­tirip qoıyp, endi sol jaq bú­ıirdegi kóp qabatty úı­diń kó­likter samsap turǵan as­falt­ti alańqaıyna baryp, jan-jaǵyna qaraılap júr. Ol jaqta da eshkim joq ekenin men kórip turmyn. Jańa pisken shel­pektiń ıisi muryn jardy ma eken, kim bilsin, qolyndaǵy bir shelpektiń shetinen shydamaı bir tistep jep, kelesi úı aldyna qaraı burylyp bara jatqan qyzdyń sońynan endi ony osharyla kútip, ortadaǵy oıyn alań­qaıynda únsiz telmirip turǵan dostary birge ilesti. Bir-birine parallel jáne qarama-qarsy ornalastyrylǵan kóp qabatty tórt turǵyn úıden turatyn bul oramnyń ortasy bıik qabattardyń balkondarynan qaraǵanǵa alaqandaǵydaı. Eki japyraq qudaıy nandy taratatyn adam tappaı ári-sári bolǵan kishkentaı qyzdy aıaǵanym sonsha, silekeıi shubyryp sońynda júrgen qasyndaǵy dostaryńa bere ber dep aıtqym keldi. О́z úıim emes, onyń ústine joǵary qa­bat­tan aıqaılasam, daýysym tańǵy tynyq aýany jaryp, búkil aýlany jańǵyrtyp, tanymaıtyn kórshi-qolańdardy úrkitip júrermin dep bir uıal­dym. Sonda da jaqyndaý kelse aıtaıyn dep bógelińkirep em, álgi qyz qasyndaǵylarǵa nannan úzip bermek tursyn, qaraılamaı, avtokólikterdiń jolyn kesip ótip, kelesi oram­nyń trotýaryna túsip kete bar­dy. Artyna, jan-jaǵyna aınala burylyp, adam izdep barady. Obal-aı! Iis shyǵaryp, jeti shelpekti pisirýin pisirip, jumada basqalarymyzdan bu­ryn óz áıeldik isine py­­syq­­tyǵyn tanytqan jas ke­lin­shekke qansha rıza bolsam, onyń jumsap jibergen qyzyna janym sonsha ashydy. Oıyn balasynyń qansha ýaqyty bos­qa ketti. Eki shelpekti taratatyn adam tappaı ary-beri qansha áýre boldy. Áne, ol qyz anaaoooý, kóz ushynda kishken­taı núktege aınalyp alystap ke­tip barady. Qaraǵyshtap, aı­nalshyqtap júrgen onyń jolynda áli bir úlken adam kezikken joq. Shydamaı baǵana bir tistep alǵan jeri kertilip turǵan shyǵar. Biraq «jeti shelpektiń» tylsym qasıetin biletin kishkentaı balapan qansha jep qoıǵysy kelse de ózin tyıyp, tátti shelpekti ózgege úlestirip, «Qudaıy qa­byl bolsyn!» degen tilekti estý úshin Adam izdep ketti. Aına­laıynym-aı!..

Úmit BITENOVA,

Qazaqstan Jazýshylar odaǵynyń múshesi