Jıyn barysynda Qazaqstannyń Tuńǵysh Prezıdenti – Elbasy Nursultan Nazarbaevtyń «Uly dalanyń jeti qyry» baǵdarlamalyq maqalasyn talqylaý jáne Uly dala tarıhyn jańadan paıymdaý joldary qaralý josparlanǵan.
Forýmnyń ashylý saltanatynda sóz sóılegen Halyqaralyq Túrki akademııasynyń prezıdenti, tarıh ǵylymdarynyń doktory Darhan Qydyráli «Uly dalanyń jeti qyry» maqalasynyń mańyzdylyǵy týraly áńgimelep berdi. Sondaı-aq Uly dalanyń álemdik órkenıetke zor úles qosqanyn da atap ótti.
Jıynǵa Amerıka Qurama Shtattary, Úndistan, Qazaqstan, Ázerbaıjan, Túrkııa, О́zbekstan, Fransııa, Gollandııa, Qyrǵyzstan jáne Reseı syndy 10 elden 70-ke jýyq ǵalym men halyqaralyq uıymdardyń ókilderi qatysyp otyr. Forým jumysy «Uly dala»: keńistik pen ýaqyt kókjıekteri», «Túrki órkenıeti jáne onyń álemdik mádenıetke qosqan úlesi» jáne «Túrki tarıhyn qaıta baǵamdaý: jańa ádister men jańa múmkindikter» dep atalatyn úsh sessııadan quralǵan.
Irgeli jıyn túrki tildes elderdiń tarıhynda aıryqsha orny bar ataýly datalarmen tuspa-tus kelip otyr. Atap aıtar bolsaq, bıyl Altyn orda men Moǵolstannyń qurylýyna yqpal etken Talas quryltaıyna 750 jyl, Júsip Balasaǵunnyń «Qutty bilik» shyǵarmasynyń jazylýyna 950 jyl, aqyn Imadeddın Nesımıdiń týǵanyna 650 jyl tolady.
