Saıasat • 15 Mamyr, 2019

A. Mamın men QHR Memlekettik keńesi Premeriniń Orynbasary H. Chjen birlesken jobalardyń iske asyrylý barysyn qarastyrdy

848 retkórsetildi

Qazaqstan Respýblıkasynyń Premer-Mınıstri Asqar Mamın Qytaıdyń Kommýnıstik partııasynyń Ortalyq komıtetiniń Saıası bıýrosynyń Turaqty komıtetiniń múshesi, Qytaı Halyq Respýblıkasynyń Memlekettik keńesiniń Premeriniń Orynbasary Han Chjenmen kelissózder júrgizdi. Bul týraly Úkimettiń baspasóz qyzmeti habarlady.

Kezdesýde ekijaqty ekonomıkalyq qarys-qatynastardy damytýdyń, shekara mańy yntymaqtastyǵyn, onyń ishinde «Qorǵas» halyqaralyq shekara mańy yntymaqtastyǵy ortalyǵyn damytý arqyly da tereńdetýdiń ózekti máseleleri talqylandy.

«Nurly Jol» ekonomıkalyq saıasatyn jáne «Beldeý jáne jol» strategııasyn qosarlaý aıasyndaǵy ındýstrııalyq-ınnovasııalyq yntymaqtastyqqa erekshe kóńil bólindi. Barlyǵy jalpy somasy $27 mlrd-qa 55 qazaqstandyq-qytaılyq joba iske asyrylatyn bolady. 2015 jyldan 2018 jyl aralyǵynda $3,8 mlrd somasyna 12 joba paıdalanýǵa berildi, bıyl $310 mln-ǵa 5 jobany iske qosý josparlanǵan. Olardyń ishinde kún elektr stansııalarynyń, GES, zamanaýı et kombınaty kesheniniń qurylysy bar. $5,5 mlrd somasyna 11 joba júzege asyrylý ústinde. $18,1 mlrd teńge somasyna qalǵan jobalar boıynsha daıyndyq jumystary júrgizilip jatyr. Jalpy, jobalardy iske asyrý 20 myńǵa jýyq jańa jumys ornyn qurýǵa múmkindik beredi.

Saýda-ekonomıkalyq yntymaqtastyqty odan ári ilgerletý úshin taraptar búgin Almaty qalasynda eki eldiń memlekettik organdary men bıznes qurylymdarynyń 400-den astam ókilderiniń, onyń ishinde Sychýan jáne Shensı qytaı provınsııalarynyń, Gýansı-Chjýan, Shyńjań-Uıǵyr avtonomdy aýdandarynyń basshylarynyń qatysýymen ótip jatqan II QR – QHR aımaqaralyq yntymaqtastyq forýmynyń mańyzdylyǵyn atap ótti. Sonymen qatar, A. Mamın qytaı delegasııasynyń aldaǵy XII Astana ekonomıkalyq forýmyna qatysýy ekijaqty yntymaqtastyqty damytýǵa zor qarqyn beretinin aıtty.

Kelissózder barysynda QR Úkimetiniń basshysy kólik-logıstıkalyq kompetensııalar men tranzıttik dálizderdi, energetıkany, ónerkásipti, agroónerkásip keshenin damytýdaǵy ózara is-qımyldy kúsheıtýdiń, ásirese, qazaqstandyq aýyl sharýashylyǵy ónimderiniń eksportyn ulǵaıtýdyń qajettigin atap ótti.

«Qytaı – Qazaqstannyń iri syrtqy saýda seriktesi, — dedi A. Mamın. 2018 jyly QR men QHR arasyndaǵy taýar aınalymy 11,1%-ǵa ulǵaıyp, $11,7 mlrd kórsetkishine jetti. Bıylǵy eki aıdyń qorytyndysy boıynsha saýda-sattyq kólemi $2 mlrd qurady, bul 2018 jyldyń sáıkes kezeńindegi kórsetkishten 12,1%-ǵa joǵary. — Biz osyndaı oń qarqynnyń saqtalýyna múddelimiz». 

Sońǵy jańalyqtar

Kókshetaýda qara daýyl, qarly jańbyr

Aımaqtar • Búgin, 22:15

Tynyshtyqbek Ábdikákimuly. KARANTIN

Ádebıet • Búgin, 20:57

Almaty: Jolaýshylar aǵyny men kólik sany azaıdy

Ońtústik Qazaqstan • Búgin, 18:10

Betperde kıgen kóktem - 6

Qoǵam • Búgin, 17:09

D dárýmeni - ınfeksııalardyń «jaýy»

Koronavırýs • Búgin, 16:47

Shymkent: Sıfrly otbasynyń bir kúni

Ońtústik Qazaqstan • Búgin, 15:58

Uqsas jańalyqtar