Qazaq televızııasynyń ósip-órkendeýine eleýli úles qosqan basshylardyń biri Kamal Smaılov edi. Alǵashynda «Gosteleradıo» komıteti tóraǵasynyń orynbasary bolyp kelgennen-aq qalamy júırik, ekpini kúshti jýrnalıst-pýblısıst árbir redaksııanyń jumys josparyn jilikshe shaǵyp, aýyl sharýashylyǵy, ónerkásip, ádebıet pen mýzyka salalarynyń kórermen ańsap júrgen ózekti máselelerin taıǵa tańba basqandaı aıtyp beretin jáne solardyń júzege asýyn qadaǵalap otyratyn. Odan bólek, Odaq, Respýblıka deńgeıinde telefestıval, konkýrstar ótkizip, kelgen qonaqtardy qarsy alyp, shyǵaryp salýǵa bárimizdi «jegip» qoıatyn. Myna sýret sonyń aıǵaǵyndaı.
1975 jyly Almatynyń Lenın atyndaǵy saraıynda ótken Búkilodaqtyq telefestıvaldiń qurmetti qonaqtary, eki márte Eńbek Eri, ózbekstandyq Tursynaı Ahýnova, belorýs ǵaryshkeri, Keńes Odaǵynyń Batyry Nıkolaı Kovalenok, latysh ánshisi Iaakı Iola jáne ózimizdiń Kamal aǵa Smaılov Almaty baýraıyndaǵy pıonerler lagerinde serýen qurýda.
Qajy QORǴANULY,
Qazaqstannyń eńbek sińirgen mádenıet qyzmetkeri
