Esil aýdanyndaǵy J.Qızatov atyndaǵy aýyl sharýashylyq kolledjinde uıymdastyrylǵan jıynda jas mamandarǵa qatysty problemalarmen qatar olardy qoǵamdyq eńbekke baýlý, adamgershilik izgi qasıetterge tárbıeleý, eldi mekenderde turaqtandyrý,eńbek jolynda kezdesetin qıyndyqtardy eńserý jaıy keńinen sóz boldy. Aqmola oblysy aýyl sharýashylyǵy bóliminiń bas mamany Dáýlet Ysqaqov aýyldyq jerlerde maman tapshylyǵyn azaıtýdyń joldaryn ortaǵa saldy.
«Turǵyn úı satyp alý úshin bıýdjettik nesıe kólemin 1500 AEK-ten 2000 AEK-ke deıin ulǵaıtý kerek. О́ıtkeni,naryqtaǵy baspanalardyń baǵasy qymbat. Ekinshiden, óndiristik tájirıbege qaıta oralyp, tálimgerler men kýratorlar taǵaıyndaǵan jón. Jasyratyny joq, birsypyra stýdentter elishilik, ǵalam jańalyqtarynan habarsyz», deıdi ol.
I. Dáýitov atyndaǵy qyzmet kórsetý salasy kolledjiniń stýdenti Snejana Bel óz sózinde shalǵaıdaǵy aýyldarda jas mamandar úshin qalypty áleýmettik-turmystyq jaǵdaı jasala bermeıtinin jetkizdi. Kolledjder men kásiporyndardyń materıaldyq-tehnıkalyq bazalary eski. Sondyqtan jas mamandar iri eldi mekender men qalalardy tańdaýǵa májbúr.
Alqaly bas qosýda bilim oshaqtaryn zamanaýı qurylǵylarmen jabdyqtaý, ár kásip boıynsha semınar-trenıngter ótkizý máseleleri de qozǵaldy.
«Shetelderde tájirıbe jınaqtaýǵa múmkindikter berilse degen ótinishim bar. Men aǵylshyn tilin úırený kýrsynan óttim. Bilimimdi odan ári jetildirgim keledi. Bilim berýdiń, oqytýdyń jańa ádisterimen tanyssaq, artyq etpes edi», deıdi Qostanaı oblysy S. Baımaǵambetov atyndaǵy Áýlıekól mektep-gımnazııasynyń muǵalimi Anastasııa Jýkova.
Forýmnan keıin jas mamandar úshin bos jumys oryndar jármeńkesi uıymdastyryldy.
Soltústik Qazaqstan oblysy
