Ol sýretshi ǵana emes, ǵalym psıholog,fılosofııa ǵylymdarynyń kandıdaty, Lenıngrad Memlekettik ýnıversıtetiniń túlegi.Dıplomat kúıeýimen birge ómiriniń basym bóligin Lıvııa, Mysyr, Saýd Aravııasy, Birikken Arab Ámirligi, Ulybrıtanııa elderinde turdy. Shyǵarmashylyq jolyn da shetelde júrip bastady.Al, 2003 jyly Saýd Arabııasynda Indonezııalyq sheber Palýpımen tanysyp, fransýzdyq «sýyq batık» jasaý tehnıkasyn meńgeredi. Janar únemi shyǵarmashylyq izdenis ústinde júredi. Batık jasaý boıynsha bilimin Pákstan, Shrı Lanka, Birikken Arab Ámirligi sheberlerinen sabaq alyp shyńdaǵan. Sol sebepti de onyń týyndylary ózindik biregeıligimen erekshelenedi. Janar jasaǵan batıkterden tústerdiń jeńil úılesim ańǵartatynyn baǵamdar edińiz. Shyǵarmalarynyń taqyryptary da ózindik úılesim taýyp jatady. «Myń bir tún», «Kógildir alqaptaǵy báısheshekter», «Jumaq qustary», «Lotos gúli». Onyń jumystarynyń ózi turǵan kóptegen elderdiń mádenıetin, dástúrlerin ańǵartyp otyrady.Ol batık jasaýdyń ystyq jáne sýyq tehnıkasyn sondaı-aq, jibek matalar (japondyq,qytaı jáne basqalary) boıaý quraldary men arnaıy boıaýlardy jıi paıdalanady. Onyń óz isine berilgendigi sondaı, bos ýaqytyn batık, orıgamı, tabıǵı tastardan áshekeıler jasaýǵa jumsaıdy
J.Núketaeva jibekti beıneleýmen qatar, kosmoenergetıka salasynyń magıstri ataǵyn jáne Reık sheberi dárejesin alǵan.Qazirgi ýaqytta Janar adam sanasyn rýhanı tazartýǵa negizdelgen «Teta hılıng» tehnıkasymen de aınalysyp.Ol ózin basqa da salalar boıynsha shyńdaýda atap aıtsaq, álem halyqtarynyń ulttyq taǵamdary týraly kitap jazýda, qazaq halqynyń salt – dástúrleri týraly kitapshalar daıyndaýda. Jibekke órnek salý sheberi Janar Núketaeva shyn júrekpen, taza nıetpen óziniń Jibek jolyndaǵy shyǵarmashylyq áleminde qalyqtap júr.
Bul batık sheberiniń alǵashqy kórmesi. Onda 50-den asa batık tehnıkasymen jasalǵan kartınalar men avtorlyq zergerlik buıymdar qoıyldy. Kórmeniń ashylý saltanatynda Qazaqstan Respýblıkasyndaǵy Indonezııa Elshisi Rahmat Pramono myrza sóz sóıledi.
Saparbaı PARMANQUL,
«Egemen Qazaqstan»
