Aımaqtar • 16 Mamyr, 2019

Tórt til biletin tártip saqshylary týrısterge qyzmet kórsetedi

652 ret kórsetildi

Elimizde bıyldan bastap týrıstik polısııa qyzmeti qurylǵany belgili. Tártip saqshylarynyń bul baǵyttaǵy jumysy endi Almaty oblysynda da qyza túspek. О́ıtkeni, týrıstik áleýeti Nur-Sultan men Almaty qalalarynan keıingi úshinshi orynda turǵan Jetisýǵa keletin saıahatshylar men demalýshylar legi maýsym saıyn kóbeıip keledi.

Týrıstik polısııa qyzmetiniń alǵashqy bólimshesi Alakól aýdanynda ashyldy. 5 adamnan turatyn arnaıy top aldaǵy jaz maýsymynda Alakól jaǵajaıyndaǵy qoǵamdyq tártiptiń saqtalýyna jaýapty bolyp, demalýshylarǵa jol men jón nusqaıtyn mindetti de qosa atqarmaq.

- Jańadan qurylǵan polısııa bólimshesindegi ofıserlik quramnyń shtattyq sany 5 birlikten turady. Qyzmetkerler muqııat irikteýden ótti, zańnamany jáne shet tilderin jaqsy meńgergen. Olar elimizdiń tarıhyn da jaqsy biledi, áńgimeshil, ashyq. Árqaısysy memlekettik tilden bólek, aǵylshyn jáne orys tilderin jaqsy meńgergen. Sonymen qatar, óńirimiz Qytaı Halyq Respýblıkasymen shektesetinin eskere otyryp, bólimsheniń bir qyzmetkeri qytaı tilin erkin meńgergen adam bolýyna mán berdik. Barlyǵy rasııalarmen, planshettermen, formalyq keýdeshe jáne basqa da qajetti zattarmen jabdyqtalǵan. Jeke avtokólikteri de bar», - dedi Almaty oblystyq polısııa basqarmasy baspasóz qyzmetiniń ókili Kóbeıhan Nurahmet.

Alakól jaǵalaýynda alǵashqy bolyp ashylǵan týrıstik polısııa bólimshesi aldaǵy kúnderde Qapshaǵaı demalys aımaǵy men Kegen aýdanyn aýmaǵyndaǵy týrıstik nysandarda da qurylyp, demalýshylarǵa qyzmet kórsetetin bolady.

Almaty oblysy

 

Sońǵy jańalyqtar

Aqtaýda geologtar alleıasy ashyldy

Aımaqtar • Búgin, 19:25

Oralda Juban Moldaǵalıevke eskertkish ashyldy

Rýhanııat • Búgin, 18:43

Shekten shyqqan ahýal joq

Aımaqtar • Búgin, 15:02

Demalys kúnderi aýa raıy qandaı bolady

Aýa raıy • Búgin, 13:15

Epızootıkalyq jaǵdaı turaqtanýda

Aımaqtar • Búgin, 10:45

Qazaqstanda taǵy 69 adam indet juqtyrdy

Koronavırýs • Búgin, 09:00

Uqsas jańalyqtar