Aımaqtar • 16 Mamyr, 2019

Elimizge kópfýnksıonaldy Avantron emdik apparaty ákelindi

807 retkórsetildi

B.O.Jarbosynov atyndaǵy Ýrologııa ǵylymı ortalyǵyna kópfýnksıonaldy biregeı ekstrakorporaldi magnıttik shıryqtyrý (EMSh) jambas bulshyqetterine arnalǵan apparat – AVANTRON ákelindi. Endi ol jambas bulshyqetterin emdeý úshin ǵylymı ortalyq pasıentterine qoljetimdi.

Bul júıe pasıentter úshin óte qolaıly, óıtkeni  terapııa barysynda arnaıy medısınalyq quraldardy (plastyr, gel, kontakt, zond) qajet etpeıdi. Alǵash ret ekstrakorporaldi magnıttik shıryqtyrý apparaty AQSh-ta paıda bolǵan. Qazirgi tańda álemniń 47 memleketi bul apparatty qoldanysqa engizdi. Elimiz boıynsha bul apparat tek B.O Jarbosynov atyndaǵy Ýrologııa ǵylymı ortalyǵynda ǵana bar.   3 mıllıonnan astam naýqas bul apparattyń joǵary  tıimdiligimen qosa qaýipsiz ári aýyrsynýsyz júzege asatynyna  emniń nátıjesinde kóz jetkizdi.

Atalmysh qurylǵy er adamdardyń  sozylmaly jambas aýrýy, ýaqyttan burynǵy eıakýlıasııa, erektıldi dısfýnksııa (belsizdik), jalpy prostatektomııa operasııasynan keıingi ońaltý jaǵdaılarynda qoldanylady.

Al áıel adamdarda zár ustalmaýy, jynystyq dısfýnksııa, anorgazmııa, gınekologııalyq dertterde (sozylmaly endometrıt, jatyrishilik sınehııalar, júktilik kezindegi qıyndyqtar, jatyrdyń gıpoplazııasy,  sátsiz EKU (EKO), operasııadan keıingi jambas astaýyndaǵy spaıkalyq asqynýlar kezinde kóp kómegin tıgizedi.

«Elektromagnıtti ımpýlstar jambas bulshyqetteriniń kezekti tartylýy men bosańsýyna, sondaı-aq toqishek, qýyq, jatyr, qýyqasty bezine tikeleı áser etedi. Nátıjesinde qan aınalym jaqsaryp, irkilistiń joıylýy men bulshyqettiń jattyǵýyna septigin tıgizedi. Emdik shara 20-30 mınýttaı bolady», -  deıdi B.O Jarbosynov atyndaǵy Ýrologııa ǵylymı ortalyǵy basshysynyń  klınıkalyq ister boıynsha orynbasary Sharafaddın Azızov.

Ýrologııa ǵylymı ortalyǵynyń ýrolog-dárigeri Dosjan Slıamqulov Avantron apparatynyń balalarǵa da paıdasy zor ekenin aıtady. Dárigerdiń sózinshe, balalardyń ózdiginen otyra alatyn 3-4 jasynan bastap ish qatý, zár ustalmaýy (enýrez), úlken dárettiń ustalmaýy (enkoprez) sekildi túrli jambas  aýrýlary kezinde  Avantron taptyrmas qural.

ALMATY

Sońǵy jańalyqtar

Jetisaılyq jomart jandar

Aımaqtar • Keshe

Ishan baǵy qaıta qalpyna keledi

Rýhanııat • Keshe

? (Suraq belgisi) Poema

Ádebıet • Keshe

Senzýrasyz Abaı

Rýhanııat • Keshe

Uqsas jańalyqtar