Aımaqtar • 16 Mamyr, 2019

«Han-Shatyr» mańynda qazaq etnoaýyly ashylady

661 retkórsetildi

31 mamyr men 2 maýsym aralyǵynda elordada alǵash ret «Nur-Sultan Ethno Fest» iri etnomádenı merekesi ótedi dep habarlaıdy qala ákimdiginiń resmı saıty.

«Han-Shatyr» saýda, oıyn-saýyq ortalyǵynyń alańynda kıiz úıler tigilip, attar men qyran qustar kórmesi uıymdastyrylady, sondaı-aq, kelýshiler qumyra jasaý isimen tanysady, ortaǵasyrlyq stıldegi etnobazardy aralaıdy. Etnoaýyl saǵat 10:00-22:00 aralyǵynda ashyq bolady. Sharany Nur-Sultan qalasynyń ákimdigi Qazaqstannyń etnosport qaýymdastyǵymen birlesip uıymdastyrady.

Etnoaýyl aýmaǵynda ornalasqan kıiz úılerdiń janynan ulttyq kádesyılar satylatyn arnaıy jármeńke ótedi. Elorda turǵyndary men qonaqtary úsh kúndik festıval aıasynda aqyndar aıtysy, merekelik konsert sııaqty sharalardy tamashalap, naıza laqtyrý, qol kúresi, mas-restlınge, sadaq atý jáne serke kóterý jarystarynda kúsh synasady. Jarys jeńimpazdary uıymdastyrýshylardyń atynan baǵaly syılyqtarmen marapattalady.

«Nur-Sultan Ethno Fest» sharasynyń ereksheligi – jınalǵan qaýym qazaq halqynyń salt-dástúrimen, ádet-ǵurpymen etene tanysa alady. О́kinishke oraı, ýaqyt óte kele olar umytylyp jatyr. Mysaly, qamshygerlik, tezge salý, qolqa salý, tyǵyryqqa tireý, arqan órý, qamshy órý ı shańyraq kóterý. Festıval sheńberinde ótetin basty shara atta otyryp sadaq atýdan birinshi «Altyn jebe» Álem chempıonaty bolmaq. Jarysqa álemniń 20 memleketiniń mergenderi qatysady»,– deıdi Nur-Sultan qalasy Mádenıet jáne sport basqarmasynyń basshysy Bolat Majaǵulov.

Atta otyryp sadaq atýdan «Altyn jebe» Álem chempıonaty – alǵash ret ótkizilgeli otyrǵan biregeı sporttyq jarys. Atalmysh iri halyqaralyq týrnır «Nur-Sultan Ethno Fest» alańynda uıymdastyrylady. Qazirgi kezde dúbirli dodaǵa álemniń 20 memleketiniń úzdik mergenderi qatysatyndaryn rastaǵan. Onyń ishinde Ortalyq Azııa elderinen ózge Malaızııa, Ońtústik Koreıa, Iordanııa, Rýmynııa, Fınlıandııa, Polsha, Vengrııa jáne taǵy da basqa memleketterdiń ókilderi bar.

Sonymen qatar, 1 maýsym – Balalardy qorǵaý kúni qarsańynda «Nur-Sultan Ethno Fest» aýmaǵynda balalarǵa arnalǵan attraksıondar jumys isteıdi. Festıvaldiń kishkentaı qonaqtary elordalyq Qýyrshaq teatrynyń úzdik qoıylymdaryn tegin tamashalaıdy, atqa minip, asyq atý, láńgi oıyndaryn oınaıdy, otbasylyq estafetaǵa qatysady.

«Nur-Sultan Ethno Fest» festıvaliniń resmı ashylýy 31 mamyrda saǵat 19:00-de ótedi.

«Nur-Sultan Ethno Fest» tolyq baǵdarlamasy. 

31 MAMYR, JUMA. FESTIVALDIŃ I KÚNI 

10:00 – 13:00 Etnosporttyq oıyndar kórinisi (kókpar, aýdaryspaq, teńge ilý, dástúrli sadaq atý, qamshygerlik) 

14:00 – 18:30 «Altyn jebe» I Álem chempıonaty. At ústinde sadaq atý. Oqý-jattyǵý kezeńi. Jerebe tartý rásimi 

19:00 – 20:30 «Nur-Sultan Ethno Fest» merekesiniń saltanatty ashylý rásimi. Konserttik baǵdarlama

1 MAÝSYM, SENBI. FESTIVALDIŃ II KÚNI 

10:00 – 14:00 «Altyn jebe» I Álem chempıonaty. Azııa stıli 

14:00 – 16:00 Kúı caıys. Aıtys 

16:00 – 18:00 Etnosporttyq oıyndar kórinisi (kókpar, aýdaryspaq, teńge ilý, dástúrli sadaq atý, qamshygerlik) 

18:00 – 20:30 «Baldáýren» balalarǵa arnalǵan merekelik konsert

2 MAÝSYM, JEKSENBI. FESTIVALDIŃ III KÚNI 

10:00 – 14:00 «Altyn jebe» I Álem chempıonaty. Túrik stıli 

14:00 – 15:30 Etnosporttyq oıyndar kórinisi (kókpar, aýdaryspaq, teńge ilý, dástúrli sadaq atý, qamshygerlik) 

15:30 – 18:30 «Altyn jebe» I Álem chempıonaty. Qazaq stıli 

19:00 – 20:30 «Nur-Sultan Ethno Fest» merekesiniń saltanatty jabylýy. «Altyn jebe» I Álem chempıonaty jeńimpazdaryn marapattaý rásimi. Konserttik baǵdarlama.

Banner
Sońǵy jańalyqtar

IOS júıesine qazaq tili resmı túrde qosyldy

Tehnologııa • Búgin, 18:11

Altyn Adam sherýi Malaızııada jalǵasady

Rýhanııat • Búgin, 17:52

Almatylyq stýdentter tazalyq kúnin ótkizdi

Ekologııa • Búgin, 15:21

«Kanelo» Golovkınnen qorqa ma?

Boks • Búgin, 14:51

Qasym-Jomart Toqaev Nıý-Iorkke keldi

Prezıdent • Búgin, 11:09

Baı-О́lkede mádenı ortalyq ashyldy

Ádebıet • Búgin, 10:11

Hat qorjyn (23.09.2019)

Qoǵam • Búgin, 09:59

Adal isti aramdamasaq qaıter...

Qoǵam • Búgin, 09:53

Onlaın-tapsyrys kómirden taryqtyrmaıdy

Aımaqtar • Búgin, 09:51

Qostanaı qysta tońbaıdy

Aımaqtar • Búgin, 09:48

«Mal da joq, qaıyr da joq»

Qazaqstan • Búgin, 09:46

Jylytý maýsymyna daıyndyq pysyqtaldy

Qazaqstan • Búgin, 09:45

Ádemi dánekerleýshimen áńgime

Qoǵam • Búgin, 09:38

Bıýdjet tıimdi josparlanýy tıis

Aımaqtar • Búgin, 09:25

Jezqazǵanda ishki gaz jelileri tartylýda

Aımaqtar • Búgin, 09:24

Halhyn-gol shaıqasynyń qaharmany

Rýhanııat • Búgin, 09:09

Aqyn toıyna daıyndyq qalaı?

Rýhanııat • Búgin, 09:08

Damý baǵyty aıqyn

Aımaqtar • Búgin, 09:00

Uqsas jańalyqtar