Saıasat • 16 Mamyr, 2019

G. Ábdiqalyqova paneldik sessııalardyń jumysyna qatysty

865 retkórsetildi

Nur-Sultan qalasynda XII Astana ekonomıkalyq forýmy aıasynda QR Premer-Mınıstriniń orynbasary G. Ábdiqalyqova paneldik sessııalardyń jumysyna qatysty. Bul týraly Úkimettiń baspasóz qyzmeti habarlady.

Birinshi is-shara Halyqaralyq Eńbek Uıymynyń 100 jyldyǵyna arnalǵan halyqaralyq konferensııa boldy. Oǵan QR eńbek jáne halyqty áleýmettik qorǵaý mınıstri Berdibek Saparbaev, О́zbekstannyń jumyspen qamtý jáne eńbek qatynastary mınıstri Sherzod Kýbdıev, Halyqaralyq Áleýmettik Qamsyzdandyrý Assosıasııasynyń Departamentiniń Dırektory (HÁQA) Graham Mınton, halyqaralyq uıymdardyń ókilderi, sarapshylar qatysty. 

Vıse-Premer Gúlshara Ábdiqalyqova konferensııany ashý kezinde barlyq elderdiń jáne halyqaralyq uıymdardyń kún tártibinde turǵan eńbek naryǵyndaǵy jahandyq úrdisterdi atap ótti. Olar sıfrlyq tehnologııalardyń, eńbek qatynastarynyń jańa nysandarynyń damýymen, sondaı-aq demografııalyq ózgeristermen baılanysty.

«Qazaqstanda atalǵan syn-qaterlerge den qoıý boıynsha júıeli sharalar qabyldanyp, iske asyrylýda. Josparly túrde qurylymdyq reformalar júrgizilip jatyr. Ozyq halyqaralyq praktıkaǵa jaqyndaý úshin EYDU standarttary engizilýde», — dedi G. Ábdiqalyqova.

Premer-Mınıstrdiń orynbasary Úkimettiń aldynda 2025 jylǵa qaraı eńbekaqysy laıyqty jáne jaǵdaılary qaýipsiz 1 mln astam jańa jumys oryndaryn qurý, jumys kúshiniń, onyń ishinde jańadan kelgenderdiń de, jumys istep júrgen qyzmetkerlerdiń de daǵdylar men quzyretter deńgeıin arttyrý, ómir boıy úzdiksiz oqý modeline ótý úshin jaǵdaılar jasaý sııaqty aýqymdy mindetter turǵanyn atap ótti.

Qazirgi ýaqytta eńbek bolashaǵy salasyndaǵy jumys birneshe baǵytta júrgizilip jatyr. Máselen, Qazaqstan Respýblıkasy Tuńǵysh Prezıdenti – Elbasy N.Á. Nazarbaevtyń tapsyrmasymen Nátıjeli jumyspen qamtýdy jáne jappaı kásipkerlikti damytýdyń 2017–2021 jyldarǵa arnalǵan «Eńbek» memlekettik baǵdarlamasy iske asyrylýda. Ol iske asyryla bastaǵaly 314 mlrd teńge bólinip, eki jyl ishinde 1,2 mln adam Baǵdarlamaǵa qatysýshy boldy, 695 myń adam turaqty jumys oryndaryna jumysqa ornalasty. Aǵymdaǵy jyly Baǵdarlama sharalarymen 570 myń adamdy qamtý josparlanýda, búgingi kúni 168 myń adam onyń qatysýshysy boldy.

2018 jylǵy 1 qańtardan bastap respýblıkada alǵashqy sıfrlyq alań jáne elimizdegi bos jumys oryndary men túıindemelerdiń eń úlken banki – Elektrondy eńbek bırjasy jumys isteýde. Bırjada 985 myń bos jumys orny men 732 myń túıindeme ornalastyryldy. Onyń kómegimen 630 myńnan astam adam jumysqa ornalasty.

Konferensııa barysynda halyqaralyq sarapshylar da sóz sóılep, eńbek bolashaǵy máselesi boıynsha pikir almasý ótti.

Vıse-Premer qatysqan kelesi is-shara, «Jasyl damýdyń ınnovasııalyq ekojúıesin qurý: ǵylym, bilim jáne tehnologııa» paneldik sessııasy boldy. Oǵan, sondaı-aq, QR bilim jáne ǵylym mınıstri Kúlásh Shámshıdınova, Qazaqstan ekologııalyq uıymdar assosıasııasy prezıdıýmynyń tóraıymy Álııa Nazarbaeva, halyqaralyq jáne ulttyq sarapshylar, JOO rektorlary jáne basqalar qatysty. 

Gúlshara Ábdiqalyqova óz sózinde, sońǵy 100 jyldaǵy ekologııanyń nasharlaýy bizdiń adamzat aldyndaǵy jaýapkershiligimiz jaıynda oılanýymyzǵa májbúrlegeni jóninde erekshe atap ótti. Búgingi tańda álemdik qaýymdastyq turaqty damý tujyrymdamasyn qabyldady, birqatar damyǵan jáne damýshy elderde «jasyl» ekonomıkaǵa ótý maquldanǵan.

«Sondaı-aq, elimizde 2013 jyly Qazaqstannyń "jasyl" ekonomıkaǵa ótýi Tujyrymdamasy qabyldanǵan. Ony júzege asyrýdyń nátıjesinde azamattardyń ál-aýqatynyń artýy; tabıǵı resýrstardy aıtarlyqtaı únemdeý; qorshaǵan ortany qorǵaýdy kúsheıtý kútilýde», —dedi Premer-Mınıstrdiń orynbasary.

Atalǵan Tujyrymdamada basty baǵyttardyń biri jasyl jumys oryndaryna jańa daǵdylarmen jańa kadrlardy daıyndaý bolyp tabylady. Olardy qurý, óz kezeginde, kásiptik bilim júıesin transformasııalaýmen birge júrýi qajet. Atalǵan tapsyrmany tek kompleksti tásilmen sheshý múmkin:

1) bilim berý baǵdarlamalaryn jańǵyrtý;

2) pedagogtar quramynyń quzyrettiligin jetildirý;

3) aldyńǵy tehnologııalyq sheshimderdi jáne ekologııalyq tásilderdi qoldanatyn, jańa oqý ortasyn qurý.

Paneldik sessııa qorytyndysy boıynsha memorandýmdarǵa qol qoıyldy.

Banner
Sońǵy jańalyqtar

IOS júıesine qazaq tili resmı túrde qosyldy

Tehnologııa • Búgin, 18:11

Altyn Adam sherýi Malaızııada jalǵasady

Rýhanııat • Búgin, 17:52

Almatylyq stýdentter tazalyq kúnin ótkizdi

Ekologııa • Búgin, 15:21

«Kanelo» Golovkınnen qorqa ma?

Boks • Búgin, 14:51

Qasym-Jomart Toqaev Nıý-Iorkke keldi

Prezıdent • Búgin, 11:09

Baı-О́lkede mádenı ortalyq ashyldy

Ádebıet • Búgin, 10:11

Hat qorjyn (23.09.2019)

Qoǵam • Búgin, 09:59

Adal isti aramdamasaq qaıter...

Qoǵam • Búgin, 09:53

Onlaın-tapsyrys kómirden taryqtyrmaıdy

Aımaqtar • Búgin, 09:51

Qostanaı qysta tońbaıdy

Aımaqtar • Búgin, 09:48

«Mal da joq, qaıyr da joq»

Qazaqstan • Búgin, 09:46

Jylytý maýsymyna daıyndyq pysyqtaldy

Qazaqstan • Búgin, 09:45

Ádemi dánekerleýshimen áńgime

Qoǵam • Búgin, 09:38

Bıýdjet tıimdi josparlanýy tıis

Aımaqtar • Búgin, 09:25

Jezqazǵanda ishki gaz jelileri tartylýda

Aımaqtar • Búgin, 09:24

Halhyn-gol shaıqasynyń qaharmany

Rýhanııat • Búgin, 09:09

Aqyn toıyna daıyndyq qalaı?

Rýhanııat • Búgin, 09:08

Damý baǵyty aıqyn

Aımaqtar • Búgin, 09:00

Uqsas jańalyqtar