Jas táýelsiz memlekettiń qalyptasý tarıhyna qysqasha sholý jáne ekonomıkalyq men saıası salalardaǵy jetistikterdiń prezentasııasy jýrnalıstermen kezdesýiniń ereksheligi boldy. Tuńǵysh Prezıdent - Elbasy Nursultan Nazarbaevtyń tarıhı róli basa atap ótildi.
Dıplomatııalyq ókildiktiń basshysy el úshin asa mańyzdy jáne jaýapty kezeń qarsańynda kúshti, tabysty, gúldengen Qazaqstandy damytýǵa baǵyttalǵan barlyq kúsh-jiger baǵyttyń sabaqtastyǵyn saqtaýǵa baǵyttalatynyn atap ótti.
Is-shara barysynda qatysýshylar Qazaqstannyń saılaý zańnamalarymen, saılaý aldyndaǵy naýqanǵa qatysýshylardyń ómirbaıandarymen jáne tuǵyrnamalarymen, sondaı-aq Qazaqstan Úkimetiniń saılaýǵa daıyndyq prosesimen tanysty.
Jergilikti jýrnalıster men saıasatkerler elimizde ótip jatqan saıası jáne demokratııalyq úderister týraly aqparatty qyzyǵýshylyqpen qabyldady. Olardyń pikirinshe, Qazaqstanda óńirlik kóshbasshy retinde ashyq jáne adal saılaý ótkizý Latyn Amerıkasy elderinde de talqyǵa salý úshin óte ózekti taqyryp bolyp tabylady.
Sonymen qatar, jınalǵandar Qazaqstan Respýblıkasy Ortalyq saılaý komıssııasy júzege asyratyn sheteldik jýrnalıster men halyqaralyq baıqaýshylardy tirkeý rásimine, elektoraldy kezeńde aqparattyq kampanııalardy ótkizý týraly aqparatqa erekshe nazar aýdardy.
