Sheteldik jáne qazaqstandyq spıkerler, memleket jáne sıfrlyq qaýipsizdiktiń ekojúıesi; úderister, tehnologııalar, bilikti mamandar – sıfrlyq qaýipsizdiktiń irgetasy; qaýipsizdikti qamtamasyz etetin máseleler jónindegi qoǵam men bıznes dıalogynyń tıimdiligi taqyryptaryna arnalǵan úsh seksııa jumysynyń barysynda ózara tájirıbe almasty.
Sheteldik baıandamashylar qatarynda Polsha Respýblıkasynyń Kásipkerlik pen tehnologııalar vıse-mınıstri Tadeýsh Koshchınskıı; Malaızııanyń Ǵylym, tehnologııalar jáne ınnovasııalar mınıstrligi janyndaǵy kıberqaýipsizdik salasyna mamandar daıarlaý ulttyq ortalyǵynyń bas dırektory, doktor Amırýddın Abdýl Vahab; Italııanyń barlaý qyzmeti qaýipsizdigi departamenti bas dırektorynyń orynbasary, professor Robert Baldonı; О́zbekstannyń aqparattandyrý jáne telekommýnıkasııa salasyndaǵy baqylaý jónindegi memlekettik ınspeksııasy janyndaǵy tehnıkalyq yqpaldastyq ortalyǵy dırektorynyń orynbasary Bahtııor Iýldashev; Halyqaralyq elektrobaılanys odaǵynyń TMD boıynsha óńirlik bóliminiń basshysy Kırıll Oparın, sondaı-aq domendik ataýlar men ICANN IP-mekenjaılardy basqarý jónindegi halyqaralyq korporasııa ókilderi boldy.
Atalǵan sala boıynsha Qazaqstanda ótken jyly atqarylǵan naqty mehanızmder men is-sharalar týraly Sıfrlyq damý, qorǵanys jáne aeroǵarysh vıse-mınıstri Ashat Orazbek aıtyp berdi. Memlekettik organdardyń birlese atqarǵan jumysynyń nátıjesinde Qazaqstan BUU-nyń kıberqaýipsizdiktiń jahandyq reıtıngisinde 82-shi orynnan 40-shy orynǵa kóterildi.
Búgingi kúni Qazaqstanda azamattardyń jeke bas málimetterin qorǵaý máselesi jan-jaqty qarastyrylýda. Tehnologııalardy qoldaný, sonyń ishinde memlekettik jáne korporatıvtik sektorlardyń málimetter bazasyna qashyqtan qol jetkizýde qaýipsizdikti qorǵaý ádisteri ıgerilýde. Osymen birge, óndiristi sıfrlandyrý jáne «aqyldy» ekojúıelerdi qurý jónindegi aqparattyq qaýipsizdikke júıeli taldaý júrgizilýde.
Bul máselelerdiń ózektiligine oraı, aqparatty qorǵaý salasynda kásibı aýtsorsıng qyzmetterine suranys artyp otyr. Sondaı-aq aqparattyq qaýipsizdik salasyna bólingen bilim berý granttarynyń sany 11 esege ósip, 60-tan 674-ke kóbeıgen.
Budan bólek, 100 myńnan astam hostty quraıtyn Internet jelisiniń ulttyq segmenti qoldanýshylar úshin aıtarlyqtaı qaýipsiz bola tústi. Internet-keńistikti monıtorıngleýdi avtomattandyrýdyń nátıjesinde ınternet-resýrstyń zııan keltiretin ýaqyty birneshe saǵatqa qysqarǵan.
Sessııa barysynda sarapshylar álemdik turaqtylyq pen memlekettiń jáne álemdik qoǵamdastyqtyń qaýipsizdigine aqparattyq keńistik arqyly tónetin qaterlerden qorǵaný joldaryn talqylady.
