D.Nazarbaeva Astana forýmyna turaqty túrde qoldaý kórsetkenderi, atap aıtqanda, dinaralyq Sezd ben onyń jumys organdarynyń jumysyna turaqty qatysqany úshin lıýteran federasııasy ókilderine alǵysyn bildirdi.
Senat basshysy júzdesýshige elimizdiń Tuńǵysh Prezıdenti N.Nazarbaevtyń Konfessııaaralyq jáne órkenıetaralyq únqatysýdy damytý ortalyǵy qurylatyny týraly habarlady. Bul ortalyq dinı kóshbasshylardyń Astana sammıtiniń maqsattary men mindetterin halyqaralyq arenada ilgeriletý jáne forýmdy ınstıtýttandyrý isindegi mańyzdy qural bolady. Darıǵa Nazarbaeva lıýterandarǵa ortalyqtyń jumysyna qosylýdy usyndy.
Taraptar aǵymdaǵy jyldyń qyrkúıeginde ótetin Álemdik jáne dástúrli dinder lıderleri Sezi Hatshylyǵynyń XVIII otyrysyna daıyndyqty talqylady, onda kelesi Sezdiń jáne Dinı lıderler keńesiniń ótetin kúni men kún tártibi belgilenedi.
Dúnıejúzilik lıýteran federasııasynyń Bas hatshysy dinaralyq únqatysýdy ilgeriletý jónindegi erekshe tuǵyrnamaǵa qurǵany úshin Qazaqstanǵa alǵysyn jetkizip, Astana forýmyn odan ári qoldaý jónindegi nıetin bildirdi. Ol sondaı-aq Dúnıejúzilik lıýteran federasııasynyń jumysy men josparlary, atap aıtqanda bosqyndarǵa qoldaý kórsetý, Birikken Ulttar Uıymymen yntymaqtastyq týraly habardar etti.
