17 Mamyr, 2019

Kazakhstan Global Investment Roundtable aıasynda quny 9 mlrd AQSh dollaryn quraıtyn kelisimderge qol qoıyldy

1055 retkórsetildi

Premer-Mınıstr Asqar Mamınnyń tóraǵalyǵymen Úshinshi jyl saıynǵy Qazaqstandyq jahandyq ınvestısııalar boıynsha «Kazakhstan Global Investment Roundtable» (KGIR-2019) atty «dóngelek ústel» ótti. Bul týraly Syrtqy ister mınıstrliginiń baspasóz qyzmeti habarlady.

KGIR-2019 qazaqstandyq jáne sheteldik ınvestorlar úshin mańyzdy ınvestısııalyq oqıǵalardyń biri bola otyryp, óz alańynda 1100-den astam iri álemdik jáne qazaqstandyq kompanııalardyń basshylaryn, halyqaralyq sarapshylar men memlekettik uıymdardyń ókilderin jınady. Olardyń ishinde 600-den astam 41 elden kelgen qonaqtar, sondaı-aq «Cisco», «Nokia», «CITIC Bank Corporation», «WILO SE Group», «AGCO Corporation», «Valmont Industries», «Tyson Foods», «Yildirim Group» jáne taǵy basqa iri kompanııalardyń top-menedjerleri bar.

Is-shara barysynda qatysýshylar jalpy quny 8,9 mlrd. AQSh dollaryn quraıtyn 45 kommersııalyq kelisimderge qol qoıyldy.

Atap aıtqanda, gaz-hımııa salasynda Mańǵystaý oblysynyń ákimdigi men «Westgasoil» kompanııasy (Sıngapýr) metanol jáne olefınderdi óndirý boıynsha jobany júzege asyrý boıynsha yntymaqtastyq týraly kelisimge qol qoıyldy. Jobany júzege asyrylýy hımııa ónimderdin óndirýin ornalastyryp, eldiń gaz-hımııa keshenin damytý arqyly ımport almastyrýdy qamtamasyz etedi.

Eksportty damytý maqsatynda «Yıldirim Holding» (Túrkııa) jáne Jambyl oblysynyń ákimdigi Jambyl oblysynda soda óndirý zaýytynyń qurylysy týraly kelisimge qol qoıdy. Zaýyttyń jyldyq qýattylyǵy 400 myń tonna quraıdy.

Budan bólek aýyl sharýashylyǵy ónimderin eksportaýǵa baǵyttalǵan jylyjaı keshenderin salý jobasy boıynsha «KAZAKH INVEST» UK» AQ men Reseı ınvestory (APH «EKO-Kýltýra») arasynda tıisti kelisim túzeldi. Sondaı-aq, tamaq ónerkásibinde Pavlodar oblysynyń ákimdigi men Beijing NAALE GROUP (Qytaı) arasynda qant zaýytyn salý boıynsha yntymaqtastyq týraly memorandýmǵa qol qoıyldy. Budan basqa, ınvestor Almaty qalasynyń ákimdigimen kelisimge kelip, Almaty qalasynda alıýmınıı óndiretin zaýytyn salýǵa nıet bildirdi.

Kólik jáne logıstıka salasynda «YDA Holding» (Túrkııa) Túrkistan oblysynyń ákimdigimen Túrkistan oblysynda halyqaralyq áýejaıyn salý týraly kelisimge qol qoıdy. Bul Qazaqstan tarıhyndaǵy jańadan soǵylyp jatqan alǵashqy áýejaı bolady. Kólik salasyndaǵy taǵy bir joba - Aqtóbe halyqaralyq áýejaıy bazasynda logıstıkalyq habty qurý. Bul rette, «KAZAKH INVEST» UK» AQ men «AEON» korporasııasy (Reseı Federasııasy) arasynda tıisti memorandým túzeldi. Sheteldik ınvestor Reseıdiń 14 aımaqtyq áýejaılarynda (Novosıbırsk, Chelıabınsk, Volgograd, Tomsk, Astrahan, Chıta, Tıýmen, Perm, Mýrmansk, Kemerovo, Mıneralnye Vody, Kalınıngrad, Ýlan-Ýde, Vladıkavkaz jáne t.b.) baqylaý paketterin basqarady. Joba Qazaqstandaǵy qosymsha avıasııalyq habty qurýǵa jáne Eýropa-Azııa baǵytyndaǵy mýltımodaldy júkterdi tasymaldaýdyń jańa baǵytyn ashýǵa baǵyttalyp, elimizdi tranzıttik dáliz retinde nyǵaıtýǵa múmkindik beredi.

Taý-ken metallýrgııa sektorynda Canarax Trading LLC (BAÁ) jáne Pavlodar oblysynyń ákimdigi iri jobany iske asyrý týraly kelisimge qol jetkizdi. Taraptar qýattylyǵy jylyna 165 myń tonnaǵa deıin tehnıkalyq kremnıı óndiretin zaýytty salýdy josparlap otyr. Birinshi kezeńde 30 myń tonna ónim shyǵarý josparlanýda. Zaýyt ónimderi metall qorytpalaryn, organıkalyq qosylystar, elektronıka jáne kún energııasyn óndirýde qoldanylady.

Densaýlyq saqtaý salasynda Shymkentte 1000 oryndyq ınnovasııalyq klınıkanyń qurylysy boıynsha «Ońtústik Qazaqstan medısınalyq akademııasy» men «Shanghai Constructions Group» (QHR) arasynda memorandým túzeldi. Zamanaýı tehnologııalar boıynsha jabdyqtalǵan klınıka medısınalyq qyzmetterdiń tolyq spektrin usynyp, Ortalyq Azııadaǵy proton terapııasynyń jalǵyz ortalyǵy bolady dep josparlanýda.

Sonymen qatar, bilim berý salasynda elimizdiń úsh aımaǵy Nur-Sultan, Almaty jáne Shymkent qalalarynda sıngapýrlyq ınvestor (Kinder World) «Bilim metropolısin salý - mektep, kolledj, ýnıversıtet» jobasynyń jol kartasyna qol qoıdy. Jaqyn arada Nur-Sultan qalasynda halyqaralyq mektepter jelisi, kolledj jáne bilim berý kesheni salynady.

Budan bólek, derekter ortalyqtarynyń qurylysy jáne Qazaqstanda 5G jobasyn iske asyrý sekildi jobalar boıynsha kelisimderge qol jetkizildi.

QR Premer-Mınıstri A.Mamınniń aıtýynsha, ınvestısııalar - Qazaqstan damýynyń basty faktory. Táýelsizdik jyldarynda Qazaqstan ekonomıkasyna 300 mlrd. AQSh dollardan astam ınvestısııalar quıyldy.

 «Búginde elimiz sheteldik ınvestorlar úshin aýqymdy múmkindikterdi usynady. Bizdiń ekonomıkamyz úshin ınvestısııalardyń mańyzdylyǵyn túsine otyryp, biz sheteldik ınvestısııalardy tartý jónindegi Úılestirý keńesin qurdyq, maǵan ınvestısııalyq ombýdsmenniń mindetteri júkteldi. Árıne, bul bizge ınvestısııalyq qyzmet barysynda týyndaıtyn máselelerdi jyldam sheshýge jáne ınvestorlarmen tıimdi qarym-qatynas ornatýǵa múmkindik beredi», - dedi Úkimet basshysy KGIR-2019-dyń plenarlyq otyrysynda.

Elimizdiń ınvestısııalyq ahýaldan basqa jekeshelendirý baǵdarlamasynyń odan ári iske asyrý jáne kompanııalarynyń IPO-ǵa shyǵýy, qarjy naryǵy men tehnologııalardy damytý, memlekettik aktıvterdi jekeshelendirý, sondaı-aq energetıkalyq jáne taý ken metallýrgııalyq keshenderiniń damý qarqyny talqylandy. Budan bólek, mańyzdy suraqtardyń qatarynda Qazaqstannyń Azııa men Eýropa arasynda qurlyqtyq saýda úshin kólik jáne logıstıka ortalyǵy retinde kalyptasýy, jahandyq azyq-túlik qaýipsizdigi jáne Qazaqstannyń agroónerkásiptik áleýeti.

KGIR-dy jalǵastyra otyryp AQSh, Ulybrıtanııa, Germanııa, Fransııa, Japonııa, Sıngapýr jáne Ońtústik Koreıa sekildi basym elderde ınvestorlardy targetteý úshin birqatar iri ınvestısııalyq is-sharaǵa uıymdastyrylady.

KGIR-2019 uıymdastyrýshylary – QR Syrtqy ister mınıstrligi, «KAZAKH INVEST» UK» AQ. Kontent boıynsha seriktesi - Financial Times tobynyń basylymdary (fDi Magazine, The Banker).

Banner
Sońǵy jańalyqtar

Hat qorjyn (23.09.2019)

Qoǵam • Keshe

Qostanaı qysta tońbaıdy

Aımaqtar • Keshe

«Mal da joq, qaıyr da joq»

Qazaqstan • Keshe

Halhyn-gol shaıqasynyń qaharmany

Rýhanııat • Keshe

Aqyn toıyna daıyndyq qalaı?

Rýhanııat • Keshe

Uqsas jańalyqtar