Baqyt Sultanov eki el arasyndaǵy qarym-qatynas ózara túsinistik jaǵdaıynda damyp kele jatqanyn atap ótti.
«Elbasy Nursultan Nazarbaevtyń salıqaly saıasatynyń arqasynda biz basqa qalalardyń júz jylda jetken belesterin 20 jyl ishinde baǵyndyrdyq. Damý tájirıbesi bar, endi bizge sapaly ósý qajet. Osy maqsatta biz ekonomıka, týrızmdi damytý, ómir súrý úshin qolaıly jaǵdaı jasaý turǵysynan sheberlik josparyn ázirlep jatyrmyz», dedi qala ákimi.
Kezdesý aıasynda Baqyt Sultanov ózara is-qımyldyń baǵdarlamalyq qujatyn jasaýdy, eki elordanyń yntymaqtastyǵyn tereńdetýdi usyndy. О́z kezeginde Tallın meri Mıhaıl Kylvart qala Qazaqstan astanasy ǵana emes, sondaı-aq aımaqtyń ekonomıkalyq, saıası jáne mádenı ortalyǵyna aınalýy múmkin ekendigin atap ótti.
«Sondyqtan da eki qala men eki astananyń arasyndaǵy yntymaqtastyqqa basa nazar aýdarǵym keledi», dedi ol.
Qos tarap aldaǵy ýaqytta kólik jáne qalalyq ınfraqurylymdy damytý, medısınalyq týrızm jáne bilim berý salasyndaǵy yntymaqtastyqty arttyrýǵa kelisti.
