Saıram-О́gem
Senbi, 30 naýryz 2013 1:49
Saıram-О́gem memlekettik ulttyq tabıǵı parki salalyq mekemeler arasynda ótken jylǵy atqarylǵan jumystardyń qorytyndysy boıynsha respýblıkamyzda birinshi oryndy jeńip aldy. Respýblıka Aýyl sharýashylyǵy mınıstrligi Orman jáne ańshylyq sharýashylyǵy komıtetiniń tabıǵatty qorǵaý mekemeleriniń 2012 jylǵy qyzmetin reıtıngilik baǵalaý nátıjesin shyǵarǵan sheshiminde Saıram-О́gem memlekettik ulttyq tabıǵı parki ujymynyń Ońtústik Qazaqstan oblysynyń janýarlar men ósimdikter álemin saqtaýdaǵy joǵary kórsetkishteri jan-jaqty baıandalady.
Senbi, 30 naýryz 2013 1:49
Saıram-О́gem memlekettik ulttyq tabıǵı parki salalyq mekemeler arasynda ótken jylǵy atqarylǵan jumystardyń qorytyndysy boıynsha respýblıkamyzda birinshi oryndy jeńip aldy. Respýblıka Aýyl sharýashylyǵy mınıstrligi Orman jáne ańshylyq sharýashylyǵy komıtetiniń tabıǵatty qorǵaý mekemeleriniń 2012 jylǵy qyzmetin reıtıngilik baǵalaý nátıjesin shyǵarǵan sheshiminde Saıram-О́gem memlekettik ulttyq tabıǵı parki ujymynyń Ońtústik Qazaqstan oblysynyń janýarlar men ósimdikter álemin saqtaýdaǵy joǵary kórsetkishteri jan-jaqty baıandalady.
2006 jyly qurylǵan mekemeniń týǵan ólkemizdiń tabıǵatyn qorǵaýda júrgizgen jumystary shyn máninde jaqsy baǵalanady. Osy ýaqyt ishinde Ońtústiktegi ulttyq tabıǵı park óńirimizde óte sırek kezdesetin ańdar men ósimdikter túrlerin saqtaýda aıtarlyqtaı ister tyndyryp keledi. Tushymdy tirlikteri qatarynda budan 40-50 jyl buryn aımaǵymyzdan aýyp ketken, Qazaqstanda ilýde bir ushyrasatyn qar barysy men Túrkistan sileýsininiń park aýmaǵynda paıda bolýyn erekshe atap ótý lázim. Bul atalmysh mekemege qarasty jerlerde tabıǵat qorǵaý jumysynyń oıdaǵydaı jolǵa qoıylǵanynyń bir aıqyn aıǵaǵy bolsa kerek. Sońǵy jyldary park aýmaǵynda jasyl jelek órtine jol berilmedi, tabıǵat baılyǵyna suǵanaqtyq kúrt azaıdy. Mekeme Qazyǵurt, Tólebı, Túlkibas aýdandaryndaǵy О́gem, Qarjantaý, Boraldaıtaý, Saıramsý, Iirsý taýlary men solardyń silemderin, jalpy 149053 gektar jer aýmaǵyn qamtıdy. Bul qyrattar men alqaptarda erekshe qorǵaýǵa alynǵan ósimdikterdiń 1653 túri ósedi. Jabaıy janýarlardyń 59 túri, qanattylardyń 300 túri mekendeıdi.
– Tynyǵýshylarǵa qyzmet kórsetýden parktiń esepshotyna bir ǵana ótken jyldyń ózinde 8 mln. teńge túsirildi. Respýblıkalyq “Jasyl damý” baǵdarlamasyna oraı jyl saıyn mekemege qarasty aýmaqtarda 60 gektarǵa ártúrli daraq kóshetteri otyrǵyzylady. Olardyń aldy qazir orman alqaptaryna aınaldy, — dedi Saıram-О́gem memlekettik ulttyq tabıǵı parkiniń bas dırektory Jeńisbek Turǵanov.
Jeńis BAHADÚR,
jýrnalıst.
Ońtústik Qazaqstan oblysy.
