QR Úkimetiniń basshysy oblys ortalyǵyna kelgen boıda «TurkistanInternationalAirport» halyqaralyq áýejaıynyń qurylysynyń ornyna kapsýla salý rásimine qatysty. Joba YDA Holding túrik kompanııasymen birlesip iske asyrylatyn bolady, tartylatyn ınvestısııalar kólemi $70 mln astamdy quraıdy.
YDA Holding basqarma tóraǵasy Arslan Hýseın áýejaıdyń halyqaralyq standarttarǵa saı jobalanatynyn jáne sońǵy shyqqan qurylys tehnologııalaryn paıdalanyla otyryp júzege asyrylatynyn aıtty. Termınaldyń ótkizý qabileti jylyna 3 mln jolaýshyny quraıdy. Nysandy 2020 jyldyń sońynda paıdalanýǵa berý kózdelgen.
Jumys sapary aıasynda áleýmettik nysandar men ákimshilik maqsattaǵy ǵımarattardy salý barysy qaraldy, olardyń qatarynda oqýshylar saraıy, týrıstik baǵyttaǵy kolledj, sport jáne mýzyka mektepteri, sport saraıy, Halyqqa qyzmet kórsetý ortalyǵy, attraksıondary bar park, mýzykalyq fontan, amfıteatr, sondaı-aq, oblystyq ákimdik, medıa-ortalyq jáne kongress holl bar.
Qalanyń tarıhı-mádenı ortalyǵynda Q.A. Iаssaýı mýzeıin, oblystyq ǵylymı-ámbebap kitaphanany, shyǵys monshasyn salý jáne vızıt-ortalyǵynyń ǵımaratyn rekonstrýksııalaý jumystary tekserildi.
Sonymen qatar, Premer-Mınıstr A. Mamın saıabaq pen «Nur-Sultan» alańynyń, Neke saraıynyń, «Rixos Turkestan» qonaq úıiniń qurylysy bastalǵan alańdardy baryp kórdi.
Jańadan salynyp jatqan ǵımarattardy elektr energııasymen úzdiksiz qamtamasyz etý maqsatynda Túrkistan qalasynda «Iаssy» shaǵyn stansııasy salynatyn bolady. Qazirgi tańda onyń irgetasyn qalaý jumystary júrgizilip jatyr. A. Mamınge nysandy 2020 jyldyń birinshi jartysynda paıdalanýǵa berý kózdelip otyrǵany baıandaldy.
Qaladaǵy joldar sapasyn jaqsartý jáne kóshelerin abattandyrý jumystaryna erekshe kóńil bólindi.
QR Premer-Mınıstri A. Mamınniń Túrkistan oblysyna jumys sapary aıasynda jalpy somasy $1,97 mlrd quraıtyn 5 qujatqa qol qoıyldy:
1. Túrkistan oblysynyń ákimdigi men «Eko-kýltýra» reseılik kompanııasy arasyndaǵy $1,1 mlrd somasyna Keles aýdanynda aýdany 500 ga bolatyn jylyjaı keshenin salý jónindegi ózara túsinistik týraly memorandým;
2. QR Indýstrııa jáne ınfraqurylymdyq damý mınıstrligi, Túrkistan oblysynyń ákimdigi jáne KAZAKHSTAN CHN-KZ ELECTRIC INDUSTRIAL PARK GROUP qytaı kompanııasy arasynda $524 mln somasyna «Túrkistan» ındýstrııalyq aımaǵynda energetıkalyq jabdyq pen buıymdar shyǵarý boıynsha Qazaqstan – Qytaı ındýstrııalyq parkin salý jónindegi ózara túsinistik týraly memorandým;
3. QR Energetıka mınıstrligi, Túrkistan oblysynyń ákimdigi jáne KAZAKHSTAN CHN-KZ ELECTRIC INDUSTRIAL PARK GROUP qytaı kompanııasy arasyndaǵy $225 mln somasyna Kentaý qalasynda qýattylyǵy 200 mVt bolatyn «Qotyrbulaq» jel elektr stansııasy men kún elektr stansııasyn salý jónindegi ózara túsinistik týraly memorandým;
4. Túrkistan oblysynyń ákimdigi men «KazPV LTD» JShS arasyndaǵy $100 mln somasyna, qazaqstandyq kremnıı negizinde fotoelektrlik modýlderdi paıdalanatyn, qýattylyǵy 100 mVt bolatyn kún elektr stansııalaryn salý jónindegi ózara túsinistik týraly memorandým;
5. Túrkistan oblysynyń ákimdigi men POLCOTTON LTD polıak kompanııasy arasyndaǵy $27 mln somasyna Saıram aýdanynda aýmaǵy 21 ga bolatyn jylyjaı keshenin salý jónindegi ózara túsinistik týraly memorandým.
