- Bul mańyzdy qujat turǵyndardyń ómir súrý deńgeıin arttyrýǵa, áleýmettik-ekonomıkalyq damýǵa, jaıly ómir súrý ortasyn qurýǵa baǵyttalady. Tıimdi usynystar bolsa qabyldaýǵa daıynbyz. Qala turǵyndary ınfraqurylym, densaýlyq saqtaý, bilim berý, qaýipsizdik, tutyný taýarlary jáne baǵanyń qoljetimdiligi baǵyttary boıynsha óz ıdeıalaryn jibere alady, - deıdi qala ákimi Ánýar Kúmpekeev.
Usynystar men ıdeıalardy qujat jáne fotosýret túrinde de joldaı alady. Úzdik úsh jobanyń avtoryna 150 myń teńge kóleminde aqshalaı syılyq beriledi. Jeńimpazdardy anyqtaý úshin arnaıy komıssııa qurylady.
Al, «Dasco Consulting Group» kompanııasynyń ókili Dáýlet Arǵynovtyń aıtýynsha, qalany damytý strategııasy úsh kezeńnen turady.
Birinshisi – áleýmettik saýalnama júrgizý kezeńi. Oǵan 2800 adam qatysyp, óz pikirlerin bildirgen jáne qatysýshylardyń 49 paıyzy «Pavlodar ómir súrýge yńǵaıly qala» dep sanaıdy.
Qalalardy damytý strategııasyn ázirleý Ekonomıka mınıstrligi qurǵan ádistemege saı júrgiziledi.
Qujat ázirleý qarasha aıyna deıin jalǵasady, kúzde baǵdarlama qalalyq máslıhattyń sessııasynda usynylady.
Pavlodar
