Negizinen aýyl balalary oqıtyn ýnıversıtette tárbıe jumysynyń tıimdiligin arttyrý maqsatynda 2004 jyldan beri «Oljas Súleımenov atyndaǵy Áleýmettik-gýmanıtarlyq bilim berý jáne tárbıe ınstıtýty» jumys isteıdi. Qaıratker tulǵa osynda oqıtyn aýyldan shyqqan stýdenttermen jıi kezdesip, ártúrli mádenı-kópshilik, sporttyq sharalarǵa qatysyp turady. Stýdenttermen kezdesýlerde kórnekti aqyn ádebıet pen mádenıet, ulttyq patrıotızmine beıbitshilik máselesi, elimizdiń ekologııalyq problemalary jáne joǵary oqý oryndarynyń halyqaralyq bilim keńistigine kirýi týraly paıymdaýlarymen pikir almasyp otyrady.
Bıyl da Oljas Omaruly týǵan kúni qarsańynda óziniń atymen atalatyn ıntsıtýtqa kelip, ýnıversıtettegi ár ulttyń jastarynan quralǵan stýdenttik «Dostyq» assambleıasy múshelerimen kezdesip, rýhanııat taqyrybynda áńgime órbitip, pikir almasty. О́nerli jastar Oljekeńniń óleńderin ár ulttyń tilinde oqyp, shyǵarmalarynan kompozısııalyq kórinister usynyp, batasyn aldy.
Bıyl ýnıversıtettegi «Oljas Súleımenov atyndaǵy gýmanıtarlyq tárbıe, bilim berý ınstıtýtyna» 15 jyl tolyp otyr. Osy ýaqyt aralyǵynda ınstıtýt kóptegen rýhanı, mádenı, sporttyq sharalar ótkizip keledi. Sonyń biri – jyl saıyn, dástúrli túrde uıymdastyrylatyn ardager komandalar arasyndaǵy halyqaralyq voleıbol týrnıri. Bul jarystarǵa Oljekeń ózi de qatysyp, jastarǵa úlgi kórsetip keledi. Osy is-sharadan keıin ýnıversıtetimizdiń Sport kesheninde ótken týrnırdiń saltanatty ashylý rásiminde «Oljas jáne onyń komandasy» atty derekti foto, qujattarǵa negizdelgen arnaıy albom-kitaptyń tanystyrylymy boldy. Bul kitapta biz 13-inshi ret ótkizilip otyrǵan ardager voleıbolshylar týrnıriniń osy ýaqytqa deıin jetken jetistikteri men ár kezderdegi jarystardyń sátteri beınelengen.
Shyǵarmashylyq kezdesýden keıin ýnıversıtettiń Sport kesheninde dástúrli «Oljas Súleımenov júldesi» úshin voleıboldan ardager komandalar arasynda HIII Halyqaralyq týrnır tartysty ótti. Týrnırdi uıymdastyrýshy – ýnıversıtet rektory, akademık Tilektes Espolov.
Oljekeńniń qol doby – voleıbol oıynyna qumarlyǵyn dúıim jurt jaqsy biledi. Aqyn stýdentter arasynda salaýatty ómir saltynyń úlgisi de bolýda. Onyń bastaýymen ýnıversıtette ardagerlerdiń komandasy qurylyp, basqa oqý oryndary men mekemelerdiń komandalarymen kezdesýler ótkizý dástúrge aınalǵan.
Bıylǵy týrnırge «Tashkent» (О́zbekstan), «Spartak» (Qyrǵyzstan), «Ardager» (Túrkistan oblysy), «Ardager» (Jambyl oblysy), «Nomad» (Nursultan q.), «Jetisý» (Taldyqorǵan q.), «Baıqońyr-Qyzylorda» (Qazaqstan-Reseı), Eýrazııa tehnologııa ýnıversıteti men Qazaq ulttyq agrarlyq ýnıversıtetiniń ardager voleıbolshylar komandalary qatysty.
Úsh kún boıy tartysty ótken týrnırdiń nátıjesi boıynsha úshinshi oryndy qyrǵyzstandyq «Spartak» ıelense, ekinshi satyǵa Taraz qalasynan kelgen «Ardager» taban tiredi. Al bas júldeni Qazaq ulttyq agrarlyq ýnıversıteti oljalady. Jeńimpaz komanda quramynda tájirıbeli ardager voleıbolshylar – áıgili aqyn Oljas Súleımenov (kapıtan), Almaty oblysynyń ákimi, Almaty jáne Almaty oblysy voleıbol federasııasynyń prezıdenti Amandyq Batalov, QazUAÝ rektory, akademık Tilektes Espolov syndy tulǵalar sheber oıyn órnegin kórsetti.
Almat ISÁDIL
Sýretti túsirgen M.Botabekov
