«AZMK» JShS bas dırektory Shýhrad Shardınovtyń aıtýynsha, shpal shyǵarý óndirisi ónimniń termoylǵaldaný kestesin baqylaıtyn avtomatty baǵdarlamamen qamtamasyz etilgen. Avtomattandyrý júıesi ýaqytty eki esege deıin sege qysqartyp, ónimdilikti eki esege, óndiris alańdaryn tórt ese arttyrýǵa múmkindik beredi.
Almaty kópir konstrýksııalary zaýytyndaǵy temirjol shpaldaryn shyǵaratyn óndiris ornynyń ashylýyna qala ákimi Baýyrjan Baıbek arnaıy qatysyp, qaladaǵy 1,5 myń óndiris oryndarynyń jumysy jaıynda, sondaı-aq búginde AZMK salasynda eńbek etip jatqan bes júzden astam jumys kúshiniń áleýetine toqtalyp ótti. Qala basshysynyń aıtýynsha, búginde «Nurly jol» baǵdarlamasy aıasynda kólik ınfraqurylymy qarqyndy damyp keletindigine baılanysty kásiporyn ónimderine suranys joǵary. Al jumysshy mamandyǵyna qashan da qurmet joǵary, dep atap ótti qala basshysy.
Qazirgi kezde megapolıste bıznestiń Jol kartasy 2020 jáne Jibek joly qalalyq baǵdarlamasy arqyly otandyq kásiporyndarǵa qoldaý kórsetý aıasy barynsha artyp keledi. Investısııalyq aýhaldyń jaqsarýymen baılanysty aǵymdaǵy jyldyń úsh aıy ishinde ǵana sheteldik ınvestısııalar 21,4 paıyzǵa artyp, 111,1 mlrd teńgeni qurady. Osynyń dálelindeı, Alataý aýdanyndaǵy Indýstrıaldy aımaqta quny 144 mlrd teńgeni quraıtyn 39 joba júzege asýda. Japonııa, Gonkong, Qytaı, Reseı, sondaı-aq nemis kapıtalynyń qatysýymen 5 zaýyt ashyldy. Olardyń ishinde jylyna qýaty 550 myń tonna turmystyq qatty qaldyqtardy suryptaıtyn keshen, elektroavtobýstardyń úshinshi býynyn jasap shyǵaratyn zaýyt, t.b. bar.
ALMATY
