Saılaý • 21 Mamyr, 2019

Saılaýaldy baǵdarlamalar – áleýmettik máseleler sheshimi

944 retkórsetildi

Elimizde saılaýaldy úgit-nasıhat jumystarynyń ekinshi aptasy bastaldy. О́ńir-óńirdegi kezdesýler barysynda halyq ózderin mazalaǵan máselelerdiń sheshimin kandıdattardyń saılaýaldy baǵdarlamasynan kezdestirip, qyzyǵýshylyq tanytyp jatyr.

«Aq jol» demokratııalyq partııasy atynan prezıdenttikke kandıdat Danııa Espaevanyń respýblıkalyq shtaby saılaý naýqany aıasynda Mańǵystaý oblysyna keldi. Mańǵystaý jerinde atalǵan partııa tóraǵasy Azat Perýashev jáne Parlament Májilisiniń depýtaty Berik Dúısenbınov Qoshqar ata qorymyna baryp, ustazy Tanash Meńdibaıulynyń arýaǵyna Quran baǵyshtady. Sodan soń shtab ókilderi Túpqaraǵan aýdanynyń Aqshuqyr aýylyndaǵy «Qazaq-Bekire» kásipornynyń jumysymen tanysty. Bekire balyǵynyń birneshe tuqymyn qoldan ósirip, otandyq naryqqa qosýmen aınalysyp júrgen seriktestiktiń búgingi tynysynan, sondaı-aq aldaǵy maqsat-jobalarynan habardar bolǵan delegasııa Aqtaýdaǵy «Holıdeı Iın» qonaqúıiniń májilis zalynda partııanyń Mańǵystaý oblystyq fılıaly uıymdastyrǵan jıyn­ǵa qatysty.

Kezdesýdi «Aq jol» QDP Mańǵystaý oblystyq fılıalynyń tóraǵasy Jań­byrbaı Mataev júrgizip otyrdy. Partııa tóraǵasy A.Perýashev partııanyń baǵyt-baǵdaryn, prezıdenttikten úmit­ker Danııa Espaevanyń saılaýaldy baǵdarlamasynyń maqsattaryn túsin­dirdi. Jınalǵandar ózderiniń kókeı­lerin­de júrgen suraqtaryn qoıyp, pikir almasty. Biryńǵaı jınaqtaýshy zeı­net­aqy qory, kásipkerlik jáne oǵan kór­seti­letin qoldaý, ekologııa syndy ózek­ti máseleler kóterildi. Ásirese eldik múd­deniń jastardy beıjaı qaldyra almaı­tyn­dyǵy qýantty. Shara sońynda kúıshi Nabııar Altaev kúı tartyp, «Aq jol-jastar» jastar qanatynyń múshesi Erkebulan Qýanǵalı halyq termesin oryndady.

Sonymen qatar respýblıkalyq shtab Mańǵystaý oblysyndaǵy Aqtaý trans­formator zaýytyna baryp, onyń ju­my­symen tanysty. Jańa zamanaýı teh­no­logııalarmen jabdyqtalyp, aýqym­dy aýmaqqa qyzmet kórsetip tur­ǵan seriktestik ujymymen kezdesip, prezı­denttikke kandıdat D.Espaevanyń saılaýaldy baǵdarlamasy tanystyryldy.


* * *

«Aýyl» halyqtyq-demokratııalyq pat­rıottyq partııasy atynan prezı­denttikke kandıdat Tóleýtaı Raqym­bekovtiń saılaýaldy qoǵamdyq shtabtary ótken aptada 20-dan asa shara ótkiz­di. Onyń arasynda kandıdattyń ózi elor­dadaǵy agrarlyq ǵylym salasynyń mamandarymen kezdesip, ózekti máselelerdi talqylady. Al respýblıkalyq shtab basshysy Álı Bektaev Jambyl jáne Aqmola oblysyna baryp, úmitkerdiń saılaýaldy baǵdarlamasyn tanystyrdy. Sonymen qatar úgit-nasıhat naýqany aıasynda Qyzylorda, Túrkistan jáne Qyzyljar óńirlerinde T.Raqymbekovti qoldaýǵa arnalǵan mádenı is-sharalar uıymdastyryldy.

«Aýyl» partııasy bolǵandyqtan, kandı­dat­tyń saılaýaldy baǵdarlama­synyń basym baǵyttary aýyldy damy­týǵa, aýyl sharýashylyǵyn órken­detý­ge arnalǵany anyq. Sondyqtan da al­ǵashqy aptadaǵy kezdesýler men úgit-nasıhat sharalaryn aýyl sharýa­shy­­lyǵy ınstıtýttarynda, aýyl sharýa­shy­lyǵy bilim oshaqtarynda jáne sharýa qojalyqtarynda ótkizdik», dedi respýblıkalyq qoǵamdyq shtab tóraǵasynyń orynbasary Qýanysh Seıitjanov.

Atalǵan mádenı is-sharalardyń qata­rynda Shymkent qalasynyń tur­ǵyn­daryna arnalǵan konsertti ataýǵa bolady. Konsert basynda T.Raqym­bekov­tiń senim bildirilgen adamy Q.Do­sa­lıev jınalǵandarǵa saılaýaldy baǵdar­lama­nyń negizgi baǵyttary týraly aıtyp berdi. Sonymen qatar Shymkent qala­syn­daǵy Qarataý aýdandyq «Aýyl» partııasy fılıalynyń tóraǵasy Ǵ.Orazbaev jáne qalanyń qurmetti azamattary I.Tursynqululy, О́.Temir, A.Turdalıev jáne basqa da birqatar el aǵasy kandıdat týraly oń pikirlerin aıtyp, kópshilikti 9 maýsymda ótetin saılaýǵa belsendi túrde qatysýǵa shaqyrdy.

Saltanatty sharada boı kórsetken qala turǵyndarynyń arasynda jastar jaǵy kóp jınaldy. Bul konsert shahar jurtyna kóterińki kóńil kúı syılap, bir serpiltip tastady.


* * *

Kásipodaqtar federasııasynan úmit­ker Amangeldi Taspıhovtyń saılaýaldy qoǵamdyq shtabtary óńirlerde úgit-na­sı­hat jumystaryn qarqyndy júrgizip jatyr. Kandıdattyń senim bildirilgen adam­dary Batys Qazaqstan oblysyndaǵy Aq­jaıyq shıpajaıyna baryp, sol óńirden jáne Mańǵystaý, Atyraý, Aqtóbe oblystarynan kelgen demalýshylarmen kezdesý ótkizdi. Jıynǵa 200-ge jýyq demalýshy jáne shıpajaı qyz­metkerleri qatysty. Jınalǵan jurt kan­dıdattyń tuǵyrnamasynda kóteril­gen eńbek adamy­nyń quqy men múd­desi, eńbek adamyna laıyqty eńbek­aqy tólenýi jóninde aı­qyn­dalǵan qadam­dar­­dyń ózekti ekendigi jaıly pikir­lerin bildirdi. Buǵan qosa, demalý­shy­lar shıpajaıdyń bolashaǵyna qyzy­ǵýshy­lyq tanytyp, aldaǵy josparlary týraly bildi. Qatysýshylarǵa úgit-nası­hat mate­rıal­dary úlestirilip, jıyn sońy ásem ánge ulasty.

Sonymen qatar A.Taspıhovtyń senim bildirilgen adamdary men eriktiler Atyraý oblysynda birqatar kezdesý uıymdastyrdy. Atyraýlyq kásipodaq músheleri aldymen Isataı aýdany Tushyqudyq aýylyndaǵy saılaýshylarmen júzdesip, odan keıin sol aýdanǵa qarasty H.Erǵalıev aýylyna da atbasyn burdy. Sondaı-aq atalǵan oblystyń Mahambet aýdanynda nasıhatshylar toby halyq kóp shoǵyrlanǵan oryndarǵa úgit materıaldaryn ornalastyrdy.

Al Almaty oblysyndaǵy qoǵamdyq shtab Alakól aýdanyndaǵy Úsharal qazaq gımnazııasynda kezdesý ótkizdi. Oty­rysta kandıdattyń tuǵyrnamasynda kóteril­gen negizgi baǵyttar jan-jaqty tal­qylandy. Bastaýysh kásipodaq uıymy tóraǵa­lary jınalǵandardy aldaǵy saılaýda konstıtýsııalyq quqyqtaryn tolyq oryndap, oǵan bir kisideı qatysýǵa shaqyrdy.

Sondaı-aq Qyzylordada eriktiler belsendilik tanytyp, demalys kúnderi iri saýda, oıyn-saýyq ortalyqtaryna aǵylǵan adamdardyń qolyna kandı­da­t­tyń baǵdarlamasy basylǵan paraqtardy u­statyp, saılaý týraly aqparat berdi.



11 mamyrda saǵat 18.00-de saılaý aldyndaǵy úgit bastaldy. Ol 8 maýsym kúngi saǵat 00.00-ge deıin jalǵasady.
Saılaý zańnamasyna sáıkes, saılaý aldyndaǵy úgit – saılaýshylardyń belgili bir kandıdatty  jaqtap nemese qarsy daýys berýge qatysýyna túrtki bolý maqsatyndaǵy qyzmet.
Úgit úsh negizgi tásilmen júzege asyrylady – BAQ-ta, jarııa is-sharalardy ótkizý, kandıdattardyń jáne olardyń senim bildirilgen adamdarynyń saılaýshylarmen jeke kezdesýlerin ótkizý, sondaı-aq  baspa basylymdaryn, dybys-beıne jáne ózge de úgit materıaldaryn shyǵarý jáne taratý jolymen júzege asyrylady. 
Memleket saılaý aldyndaǵy baǵdarlamany júrgizý úshin buqaralyq aqparat quraldaryna qol jetkizýdiń teń jaǵdaılaryna  kepildik beredi.  
Árbir kandıdatqa teledıdardan 15 mınýttyq sóz sóıleýge, radıodan 10 mınýttyq sóz sóıleýge jáne baspa basylymdarynda eki maqala jarııalaýyna qarajat beriledi.


* * *

Qazaqstan Kommýnıstik halyq partııa­synan prezıdenttikke kandıdat Jambyl Ahmetbekovtiń respýblıkalyq saılaýaldy shtaby salamatty ómir saltyn nasıhattaý aıasynda Nur-Sultan qalasyn­da fýtzaldan «Kóktem-2019» týrnırin ótkizdi. «Kóktal» shaǵyn aýdanynyń sport alańynda ótken dop dodasyna kandıdat J.Ahmetbekov te qatysty. Úmitker óziniń ómiri sportpen tyǵyz baılanysty ekenin atap kórsetip, karatedan qara belbeý ıegeri jáne «Sporttyq karate federasııasynyń» qur­met­ti prezıdenti ekenin aıtty. «Sport – zamanaýı qoǵamnyń mańyzdy salasy jáne tulǵa men qoǵamnyń úılesimdi damýynyń kepili. Biz jastardy ınternetke táýeldilikten alshaqtatqymyz keledi. Internetke shyǵatyn destrýktıvti mazmundaǵy materıaldar ultaralyq jáne kon­fessııaaralyq arazdyq týdyryp, qoǵamda túsinispeýshiliktiń oryn alýyna negiz bolady. Al sport adamdardy olardyń tegi men dinine qaramastan biriktiredi. Bul – bizdiń saılaýaldy tuǵyrnama arqyly qazaqstandyqtarǵa usynǵan tyń bastamalarymyzdyń biri», dep málimdedi J.Ahmetbekov.

Sonymen qatar Qyzylorda qalasynda oblystyq saılaý­aldy shtab ókilderi avtobýs parkiniń eńbek ujymymen kezdesý uıymdastyrdy. Shtab jetekshisi T.Teleýbaev jınal­ǵandarǵa partııanyń saı­laýal­dy tuǵyrnamasyn tanys­­tyr­dy. Ol marksıstik-lenın­dik us­tanymdardyń mańyz­dy tus­taryn tilge tıek etip, kom­mý­nıs­tik tárbıe­niń táji­rıbelik as­­pek­tileri men kom­mý­nıs­ter­diń batystyń keri qundy­lyq­tary­na qarsy júrgizip jatqan ju­mys­taryna toqtaldy.

Avtobýs parkiniń ju­mysshy­lary QKHP úmit­keriniń saılaýaldy tuǵyr­nama­sy­nyń negizgi tezısterin oń qabyl­dady. Qyzylorda Avtobýs parki JShS bas ın­jeneri Saılaýhan Postanov «Biz – ata-áje­niń tárbıesin kórip ósken urpaqpyz, bala­larymyz da ata-ájeniń baýyrynda bol­ǵanyn qalaımyz. Osy turǵydan alǵanda, kommýnısterdiń saılaýaldy baǵdarlamasy janyma jaqyn. Aldaǵy saılaýda urpaǵymnyń bolashaǵy úshin laıyqty tańdaý jasaımyn dep oılaımyn», dedi.


* * *

Nur Otan partııasynan prezıdent­tikke kandıdat retinde usynylǵan Qasym-Jomart Toqaevtyń respýblı­ka­lyq qoǵamdyq shtabynyń úgit-nası­hat jumystary Aqtóbe oblysynda jal­ǵas­ty. Kezdesý barysynda delegasııa mú­she­­leri birqatar kásiporyn­ǵa, mádenı já­ne bilim berý mekeme­lerine baryp, ju­­mys­­shylarmen, jastarmen, partııa mú­she­leri­men, qoǵam­dyq uıymdar ókil­deri­­men kezdes­ti. О́z kan­dıdattary­nyń saı­laýal­dy baǵ­dar­la­ma­synyń mánin tolyq tú­sin­d­irip, saılaýshylardyń usy­nys­tary, su­raq­tary men ótinishterin muqııat tyńdady.

Aldymen kandıdattyń jaqtastary aımaqtaǵy Shyǵarmashylyq akademııa­nyń aldyna jınaldy. Munda shtab músheleri men qoǵam belsendileriniń kezdesýi ótti. Qoǵamdyq shtab jetekshisi Máýlen Áshimbaevtyń sózinshe, Q.Toqaev eń aldymen qazaqstandyqtardyń ál-aýqatyn kóterý men eńbekaqynyń ádil túrde tólenýi boıynsha Elbasynyń strategııalyq baǵytyn jalǵastyrýdy qalaıdy. Taǵy bir másele – halyqtyń baspana jaıyn sheshý. Osy turǵyda kandıdattyń taıaý jyldary 650 myńdaı qazaqstandyq otbasyn pátermen qamtýdy josparlap otyrǵany aıtyldy.

Odan keıin respýblıkalyq qoǵamdyq shtab músheleri Aqtóbe rels-arqalyq zaýy­tynda bolyp, eńbek ujymymen kezdes­ti. Bul – Aqtóbe óńiri ǵana emes, búkil eli­miz­degi biregeı zaýyt sanalatyn irgeli kásip­oryn. Shtab músheleri kandıdattyń saılaýaldy baǵdarlamasyndaǵy mańyzdy baǵyttardy túsindirdi. Saılaýshylardyń usynystaryn, suraqtary men ótinishterin tyńdady. Kezdesýde Nur Otan partııa­sy Tór­aǵasynyń birinshi orynbasary M.Áshimbaev prezıdenttikke kandı­dat Q.Toqaevtyń ómir joly men saı­laýaldy baǵdarlamasyna keńinen toq­taldy. Al qoǵamdyq shtabtyń múshesi, Máji­lis depýtaty Bekbolat Tileýhan jınal­ǵan­dardy Elbasynyń bastaǵan ıgi isin jal­ǵas­tyrýshy tulǵany qoldaýǵa shaqyrdy.


* * *

«Ult taǵdyry» ulttyq-patrıottyq qozǵalysynan prezıdenttikke kandıdat Ámirjan Qosanovtyń saılaýaldy oblystyq shtabtary úgit-nasıhat jumystaryn qarqyndy júrgize bastady. Jambyl oblystyq shtaby Tarazdaǵy Tuńǵysh Prezıdent saıabaǵynda stýdent­terdiń qatysýymen fleshmob ótkizdi. Arnaıy fýtbolka kıgen eriktiler paraq­shalardy, úgit-nasıhat materıaldaryn taratyp, ári-beri ótken jurttyń saýaldaryna oraı saılaý týraly jan-jaqty málimet berdi. Turǵyndar kandıdattyń saılaý­aldy tuǵyrnamasynyń baǵyttaryna qyzyǵýshylyq tanytyp, ony tolyqtyra túsý úshin ózderiniń usynystaryn da bildirdi. Nasıhatshylar toby turǵyn­darmen sýretke túsip, saılaýaldy uran­daryn aıtyp, ánderin shyrqady. Mundaı fleshmobtar – kandıdattarǵa qoldaý kórsetýdiń eń tanymal túrleriniń biri.

Á.Qosanovtyń Semeıdegi saılaýaldy qosyny da naýqandyq sharalarǵa qyzý kirise bastady. 19 mamyrda oblystyq shtab qalalyq mádenıet úıinde halyqpen kez­desý uıymdastyryp, jınalǵan qaýym kan­dıdattyń alǵan betine oń kózqarasta ekend­erin bildirdi. Shtab ókilderi úmit­kerdiń baǵdarlamasy jáne onyń ómir joly týraly sóz qozǵap, suraqtarǵa jaýap berdi. Basqa qatysýshylar da áleý­met­tik jáne qoǵamdyq taqyryptar týra­ly jurt aldynda sóıledi. Dál osyndaı is-sha­ralar Jeńis gúlbaǵynda jáne M.Áýe­zov alańynda da ótti. Onda da belsendiler tur­ǵyn­darǵa paraqshalar, úgit-nasıhat ma­te­rıal­daryn taratyp, estelik sýretke tústi.

Sondaı-aq kandıdattyń saılaýaldy shtabynyń músheleri Nur-Sultan qala­synda úgit-nasıhat jumystaryn jalǵas­tyrdy. Olar N.Tilendıev kóshesin­degi turǵyn úılerdi aralap, «Sálem» bazarynda úgit-nasıhat materıaldaryn taratty. Atalǵan is-sharalar keıingi kezde úmitkerdi qoldaýshy jastardyń qatary artqanyn, kandıdatty nasıhattaý jumystary el óńirlerin qamtyǵanyn ańǵartady.


* * *

«Uly dala qyrandary» respýblı­kalyq qozǵalysynan prezıdenttikke kandıdat bolyp tirkelgen Sádibek Túgel Nur-Sultan qalasyndaǵy Halyqaralyq baspasóz ortalyǵynyń qurylǵanyna 20 jyl tolýyna baılanysty astananyń ósip-órkendeýine úles qosqan daryndy jýrnalısterdi eske alý keshin ótkizdi.

Kandıdattyń ómirden ótken jýrna­lıs­terdi eske alýǵa arnalǵan «Olardyń esimderi – bizdiń júregimizde» atty keshi osymen úshinshi ret ótip otyr. Jobanyń jetekshisi, qoǵam qaıratkeri S.Túgeldiń aıtýynsha, 2012 jyly uıymdastyrylǵan alǵashqy is-shara mazmundylyǵymen kópshiliktiń kóńilinen shyqqan. Onda Aqseleý Seıdimbek, Dúkesh Baıymbetov, Vladımır Kochenov, Talǵat Ilimjan, Rafael Jumabaev, Jumataı Sabyr­janov, Oktıabr Álibekov, Jomart Ábdiha­lyq, Vladımır Boıko, Madrıd Rys­bekov, Shakızada Quttaıaqov, Almas Jol­taev, Oleg Kvıatkovskıı, Birjan Bel­qara sııaqty esimi halyqqa tanymal qalam­ger­lerdiń jarqyn beınesin eske alyp, olar­dyń otbasy músheleri men áriptes­teri­niń kóńilin tolqytyp, erekshe tebirentken.

Úsh jyl boıy ótkizilgen eske alý keshi­niń túıini ispetti osy jolǵy kezdesýge birneshe qalamgerdiń sońynda qal­ǵan otbasy músheleri keldi. Basqosýǵa Ra­fael Jumabaev, Keńes Iýsýpov, Sma­ǵul Rahymbekov, Erǵazy Ásembekov, Mar­fýǵa Bektemirova, Vıdadı Salahov, Ma­rat Aqq­ulov, Aıtqadyr Tileýov, Ánýar Oma­rov, Natalıa Habarova sekildi jýr­na­lıs­ter­diń otbasynyń músheleri qaty­syp, júrek­jar­dy lebizderin aıtyp, este­lik sýretke túsip, rızashylyqpen taras­ty. Oktıabr Álibektiń jary ári ózi de uzaq jyl boıy jýrnalıst bolyp qyz­met at­qar­­ǵan Rahııa apaı kandıdatqa qarata «Ba­ǵ­­dar­­lamańmen tanystym, ana tili­miz­diń már­­te­besin bıik­tetýge arnalǵan usta­ny­myń kó­ńi­limnen shyqty. Bolashaqta úsh tu­­ǵyr­­ly til dep urpaǵymyzdyń tili shubar bo­­lyp júrmese dep alańdaımyn. Kóp til bil­­gen­niń zııany joq, tek óz tilimiz ózge til­­der­­diń kó­­leń­­kesinde qalyp qoıa ma degen kóńi­l­im­de kú­dik bar, sony ózińe jetkizip otyrmyn», dedi.


Daıyndaǵandar

Orynbek О́TEMURAT,

Gúlaıym ShYNTEMIRQYZY

«Egemen Qazaqstan»


Banner
Sońǵy jańalyqtar

Memleket basshysy Lı Chjanshýmen kezdesti

Prezıdent • Búgin, 14:47

Túrkistan – jastar qalasy!

Aımaqtar • Keshe

Importtan ne uttyq?

Ekonomıka • Keshe

Festıvaldiń alǵashqy kúninde eki qoıylym sahnalandy

Rýhanııat • 20 Qyrkúıek, 2019

«Eki juldyz» baıqaýy Almatyda bastaldy

Rýhanııat • 20 Qyrkúıek, 2019

Tarazda jedel baılanys ortalyǵy ashyldy

Aımaqtar • 20 Qyrkúıek, 2019

Lısakovtyń «Báıteregi»

Aımaqtar • 20 Qyrkúıek, 2019

Alty boksshymyz jartylaı fınalda aıqasady

Sport • 20 Qyrkúıek, 2019

Gobelen – tekti ónerdiń týyndysy

Rýhanııat • 20 Qyrkúıek, 2019

«Mádenı qabat» joıylǵan joq

Qoǵam • 20 Qyrkúıek, 2019

Shahmardan terbelgen talbesik

Rýhanııat • 20 Qyrkúıek, 2019

Uqsas jańalyqtar