«Mereıli otbasy» ulttyq konkýrsy týraly jarııa habarlandyrý

«Mereıli otbasy-2019» ulttyq konkýrsyn aýdandyq (qalalyq), oblystyq deńgeılerde (onyń ishinde Nur-Sultan, Almaty jáne Shymkent qalalarynda) ótkizýdi uıymdastyrý jónindegi

NUSQAÝLYQ

Aýdan (qala) oblysta konkýrstyń uıym­das­tyrýshylary tıisti aýmaqtyq birliktiń ákim^­­deriniń jalpy basshy­lyǵymen aýdan­dyq (qalalyq) ákim­dikterdiń ishki saıasat bólimderi jáne oblystar men Nur-Sultan, Almaty jáne Shymkent qalalarynda – ishki saıasat basqarmalary bolyp tabylady.

Konkýrsty ótkizý maqsattary:

1) otbasy ınstıtýtyn, adamgershilikti, rýhanı­lyqty nyǵaıtý, jaýapty erli-zaıyp­tylyqtyń mańyzyn taný;

2) ata-analardyń bala tárbıeleýdegi jaýapkershiligin arttyrý;

3) otbasylyq qundylyqtardy, kámeletke tolǵan balalarynyń eńbekke qabiletsiz jáne egde jastaǵy ata-analaryna qamqor bolýyn dáripteý jáne keńinen nasıhattaý;

4) qazaqstandyq otbasynyń jaǵymdy ımıdjin nasıhattaý.

Aýdandyq (qalalyq), oblystyq deńgeılerdegi konkýrstyq komıssııanyń quramy:

aýdannyń (qalanyń), oblystyń, Nur-Sultan, Almaty jáne Shymkent qalalary ákimi, tóraǵasy;

aýdannyń (qalanyń), oblystyń, Nur-Sultan, Almaty jáne Shymkent qalalary ákiminiń orynbasary, tóraǵa orynbasary;

aýdandyq (qalalyq) ákimdikterdiń ishki saıasat bóliminiń, oblystyń, Nur-Sultan, Almaty jáne Shymkent qala­lary ishki saıa­sat basqarmasynyń basshysy;

aýdandyq (qalalyq) ákimdikterdiń bilim bóliminiń, oblystyń, Nur-Sultan, Almaty jáne Shymkent qalalary bilim basqarmasynyń basshysy;

aýdandyq (qalalyq) ákimdikterdiń densaý­lyq saqtaý bóliminiń, oblys­tyń, Nur-Sultan, Almaty jáne Shym­kent qalalary densaýlyq saq­taý basqar­masynyń basshysy;

aýdandyq (qalalyq) ákimdikterdiń dene shynyqtyrý jáne sport bólimi­niń, oblys­tyń, Nur-Sultan, Almaty jáne Shymkent qala­la­ry dene shynyq­tyrý jáne sport basqar­masynyń basshysy;

aýdandyq (qalalyq) ákimdikterdiń máde­nı­et bóliminiń, oblystyń, Nur-Sul­tan, Almaty jáne Shymkent qalalary mádenıet bas­qar­masynyń basshysy;

aýdan­dyq (qalalyq) ákimdikterdiń áleýmettik qorǵaý bóliminiń, oblystyń, Nur-Sultan, Almaty jáne Shymkent qala­la­ry eńbekpen qamtýdy úılestirý jáne áleý­mettik baǵdarlamalar basqar­masynyń bas­shysy;

aýdan (qala), oblys, Nur-Sultan, Alma­ty jáne Shymkent qalalary áki­mi­niń janyndaǵy áıelder isteri jáne otba­sy­lyq-demografııalyq saıasat jónindegi komıs­sııa­nyń hatshysy;

oblystyń, Nur-Sultan, Almaty jáne Shymkent qalalary Qazaqstan halqy Assam­bleıa­sy Hatshylyǵynyń meń­gerýshisi;

qoǵamdastyqtyń 5 ókili (ÚEU, Arda­ger­ler keńes­teri, jastar uıymdary jáne t.s.s.).

Konkýrs 3 kezeńde ótedi: birinshi kezeń – aýdan­dyq (qalalyq), ekinshi kezeń – oblystyq, úshinshi kezeń – respýb­lıkalyq.

Birinshi kezeń

Konkýrsqa qatysýǵa arnalǵan ótinim­der Úkimettiń 2014 jylǵy 5 naýryz­daǵy №181 qaý­lysymen bekitil­gen qaǵıdalaryna (budan ári – Qaǵıda­lar) qosa berilgen nysan boıyn­sha ákim­dik­terdiń aýdandyq (qala­lyq) ishki saıasat bólimderine konkýrstyń bas­­talýy týraly jarııa habarlandyrý kúni­nen bastap bir aı ishinde beriledi.

Konkýrsqa qatysýshylardy irikteýdi aýdan­nyń (qalanyń) ákimi basqaratyn kon­kýrs­tyq komıssııa júzege asyrady.

Konkýrstyq komıssııanyń quramy tıisti aýmaqtyq birliktiń ákiminiń ókimimen beki­ti­ledi.

Materıaldardy qaraǵannan keıin komıssııa tóraǵasy – aýdan (qala) ákimi konkýrs jeńim­pazdaryn aıqyndaý úshin 14 mamyrǵa deıin komıssııa otyry­syn ótkizedi jáne Hat­ta­malyq sheshim­men 4 jeńimpazdy beki­tedi.

Aýdandyq (qalalyq) konkýrstan jeńim­paz atanǵan 4 otbasynyń materıaldary 16 mamyrǵa deıin oblystyń ishki saıasat basqarmasyna jiberiledi.

Oblys ortalyǵy qalalarynyń aýdandarynda (Nur-Sultan, Almaty jáne Shymkent q. basqa) konkýrstar bólek ótkizilmeıdi.

Ekinshi kezeń

Oblystardyń, Nur-Sultan, Almaty jáne Shymkent qalalarynyń ishki saıa­sat basqarmalary aýdandyq (qalalyq) kon­kýrs­tyq komıssııalar usynǵan qatysýshylar ara­synda konkýrs ótkizý baǵdarlamasyn ázirleıdi.

Oblystyq, Nur-Sultan, Almaty jáne Shymkent qalalyq deńgeıde kon­kýrstyq komıs­sııalar aýdannan (qaladan) usynylǵan 4 úmitkerden kon­kýrstyń oblystyq týryna 2 qa­ty­sý­shyny belgileıdi. Komıssııa tóraǵa­lary – oblystardyń, Nur-Sultan, Al­maty jáne Shymkent qalalary ákim­deri ony tıisti Hattamalyq sheshimmen bekitedi.

Oblystardyń, Nur-Sultan, Alma­ty jáne Shymkent qalalarynyń Ishki saıasat basqarmalary oblystyq konkýrstyń 2 jeńimpazynyń (2 otbasy) materıaldaryn zań buzýshylyq fakti­lerine qatysty tekserý úshin Qazaqstan Respýblıkasy Bas pro­ký­ratýrasynyń Quqyqtyq statıs­tıka jáne arnaıy esepke alý jónindegi komıtetiniń aýmaqtyq basqarmalaryna joldaý qajet.

 Oblystyq konkýrstar (onyń ishinde Nur-Sultan, Almaty jáne Shym­kent qala­lyq) barlyq óńirlerde bir mez­gilde 24 mamyrda (juma) ótkiziledi.

Jeńimpazdardy, sondaı-aq kon­kýrs­­tyń óńirlik kezeńderinde ne­ǵur­lym erekshelengen qatysýshy­lardy marapattaý sal­tanatyna ob­lys­tardyń, Nur-Sultan, Almaty jáne Shymkent qalalary ákim­deriniń qatysýy is-sharaǵa erekshe mańyz berip, memlekettiń otbasy men neke márte­be­sin nyǵaıtý máselesine qamqorlyǵy men nazaryn kórsetpek.

Jeńimpaz otbasy konkýrstyń res­pýb­lıkalyq kezeńine qatysý úshin Nur-Sultan qalasyna jiberiledi.

Oblystyń ishki saıasat bas­qarmasy je­ńim­­pazdyń qujattar toptamasyn «Mereıli otbasy» ulttyq konkýrsynyń laý­reaty ataǵyn taǵa­ıyndaý jónindegi komıs­sııaǵa 7 maý­symǵa deıin usynady.

Oblystardyń, Nur-Sultan, Almaty jáne Shymkent qalalarynyń ákim­­dikteri oblystyq konkýrstyń 2 jeńim­pa^­­zy týraly maqalalaryn «Egemen Qa­zaq­stan» jáne «Kazahstanskaıa pravda» respýblıkalyq gazetterinde 24 mamyrdan bastap 14 maý­sym­ǵa deıin ornalastyrýdy qamtamasyz etý qajet.

Oblystardyń, Nur-Sultan, Almaty jáne Shymkent qalalary­nyń ákim­dikteri 14 maýsymnan bas­tap 14 shildege deıin «Habar» jáne «Qazaqstan» telearnala­ry­na kon­kýrstyń respýblıkalyq kezeńine joldama alǵan jeńimpaz otbasylar týraly telesıýjetterdi túsirýge járdemdesýleri qajet.

Úshinshi kezeń

«Mereıli otbasy» ulttyq konkýrsy­nyń laýreaty ataǵyn berý jónindegi komıssııa oblystyq baıqaýlardan jeńimpaz atanǵan 32 otbasynyń ishinen laıyqty 16 úmitkerdi konkýrstyń fınalyna jiberý úshin 14 maý­symda otyrysta bekitedi.

Konkýrstyń fınaly – 16 úmitker­den úzdik otbasyny sms-habarlamalar jáne ınternet-resýrs (kaztube.kz) arqy­ly ınteraktıvti daýys berý jolymen irikteý bolyp tabylady. Daýys berý 30 tamyz – 6 qyr­kúıek aralyǵynda ótedi.

«Mereıli otbasy-2019» ulttyq konkýrsy laýreatynyń esimi 6 qyr­kúıekte óte­tin grand-fınalda belgili bolady. Onyń tele­nusqasy 8 qyrkúıek – Otbasy kúninde jarııalanady.

Konkýrstyń grand-fınalyna otbasy juptary – qazaqstandyq estrada juldyzdary, tanymal qoǵam qaı­ratkerleri, saıasatkerler jáne t.s.s. qatysady.