Qytaılyq ınvestor áriptes jylyna 70 myń traktor, 50 myń kombaın, jol jasaý jáne basqa da aýyl sharýashylyǵy tehnıkalaryn shyǵarýda álemdik deńgeıdegi kóshbasbasshy kompanııanyń biri. Seh ótken jyldyń ekinshi jartysynan bastap jumys isteı bastaǵan bolatyn. О́ziniń ashylý saltanatyna deıin 100 traktordy qurastyryp, satyp ta úlgerdi. Oblys ákimi Arhımed Muhambetov sehtyń ashylýyn óńir ekonomıkasyn, mashına jasaý salasyn damytýdaǵy mańyzdy oqıǵanyń biri dep baǵalady.
«Qazaqstanda mashına jasaý, ásirese aýyl sharýashylyǵy tehnıkalaryn shyǵarýǵa memleket tarapynan qoldaý kórsetilip otyr. Mysaly, qurastyratyn tehnıkalardyń quramdas bólshekterin ákelý baj salyǵynan, qosymsha qun salyǵynan bosatyldy. Sondaı-aq sharýa tehnıka satyp alsa, oǵan respýblıkalyq bıýdjet esebinen 25 prosent kóleminde sýbsıdııa tólenedi. Bizdiń oblysqa bıyl tek sýbsıdııa úshin 12,5 mıllıard teńge berildi. Bul úlken kómek. Seh jylyna 3 myń traktor shyǵaratyn qýatpen jumys isteıtin bolady. Demek, biz tek ózimizdiń oblysty ǵana emes, elimizdi traktormen qamtamasyz etemiz, ony eksportqa shyǵarý úshin óndiretin bolamyz», dedi Arhımed Begejanuly.
Sehtyń ashylý saltanatyna qatysqan Shandong Lovol Heavy Industry International Trading CO., LTD komnapııasynyń basqarma tóraǵasy gospodıný Van Gýımın júzege asqan osy joba úshin áriptesterge, onyń ishinde «QazAgroFınans», «BRK-Lızıng» aksıonerlik qoǵamdaryna, memleket úkimetine, Qostanaı oblysynyń basshylyǵyna rahmet aıtty.
«Biz traktor qurastyrý sehynyń ashylýy úshin «AgromashHoldıngKZ» kompanııasymen úlken jumystar atqardyq. «AgromashHoldıngKZ» Qazaqstandaǵy aýylsharýashylyǵy tehnıkalaryn shyǵaratyn iri óndiris, bizdiń kompanııa da osy salada tek Qytaıdaǵy ǵana emes, álemdik deńgeıdegi kóshbasshy. Bizdiń Italııada synaq-zertteý ortalyǵymyz bar, kompanııada 15 myń jumysshy jumys isteıdi, sonymen qatar kóptegen elderde ókildikter bar. Qazaqstan Qytaı úshin strategııalyq áriptes bolyp sanalady» dedi Van Gýımın myrza.
