«Bıylǵy tórt aı ishinde kámeletke tolmaǵandar isteri jáne olardyń quqyqtaryn qorǵaý jónindegi komıssııanyń otyrysynda (ótken jyldyń 4 aıyndaǵy 57 materıal) 72 materıal qarastyryldy, onyń nátıjesi mynadaı sheshimderge ıe boldy: ata-ana quqyǵynan aıyrý - 5, ata-ana quqyqtaryn shekteý - 2, devıantty minez-qulyqty balalarǵa arnalǵan arnaıy mektep-ınternatqa ornalastyrý - 7, áleýmettik kómek, qujattama - 3, túsindirme jumystary - 35, jumysqa ornalasýǵa kómek - 11», dedi ákimniń bas ınspektory Rımma Imanǵazınova.
Elordada kámeletke tolmaǵandar arasyndaǵy quqyq buzýshylyqtyń aldyn alý boıynsha jumys júıeli júrgizilýde. Biraq oǵan qaramastan, polısııada 252 kámeletke tolmaǵan jas tirkelgen.
«Taldaý nátıjesinde kámeletke tolmaǵandar
arasynda quqyq buzýshylyqtyń aldyn alý jáne otbasylyq-turmystyq
zorlyq-zombylyqty boldyrmaýdaǵy qajetti nátıjelerge qol jetkizý úshin
aldymen birqatar jalpy máselelerdi sheshý kerektigi anyqtaldy. Buǵan
úıdegi zorlyq-zombylyqtyń aldyn alý úshin quzyrettilik (Ishki ister mınıstrliginen
basqa); aqparattandyrý, ózara aqparat almasý jáne salystyryp tekserýdiń
aıqyn mehanızmi; maqsatty qarjylandyrý; otbasylyq máseleler boıynsha memlekettik
saıasatty iske asyratyn biryńǵaı úılestirý organy sııaqty máseleler jatady», dep atap ótti Rımma Imanǵazınova.
