Júk artpaıyq júrekke

Senbi, 5 qańtar 2013 7:33

Elbasy óziniń jyl saıynǵy joldaýlarynda densaýlyq saq­taý salasyna baılanysty naq­ty tapsyrmalar beredi. Sonyń nátıjesinde memle­ket­tik baǵ­dar­lamalar qabyldanyp, onyń ishinde júrek-qan tamyrlary aýrýlarynan bolatyn ólim-jitim kórsetkishterin tómen­de­tý­ge basty nazar aýdarylýda. Sońǵy úsh jyl kóleminde Oń­tústik Qazaqstan oblysynda osy salada aýyz toltyryp aı­tarlyqtaı jumystar atqaryl­dy. Bul rette, oblys kóleminde kardıologııalyq jáne kardıo­hı­rýrgııalyq qyzmetti uıym­das­tyryp otyrǵan oblystyq kardıologııalyq ortalyqtyń tyndyryp jatqan jumysy zor.

Senbi, 5 qańtar 2013 7:33

Elbasy óziniń jyl saıynǵy joldaýlarynda densaýlyq saq­taý salasyna baılanysty naq­ty tapsyrmalar beredi. Sonyń nátıjesinde memle­ket­tik baǵ­dar­lamalar qabyldanyp, onyń ishinde júrek-qan tamyrlary aýrýlarynan bolatyn ólim-jitim kórsetkishterin tómen­de­tý­ge basty nazar aýdarylýda. Sońǵy úsh jyl kóleminde Oń­tústik Qazaqstan oblysynda osy salada aýyz toltyryp aı­tarlyqtaı jumystar atqaryl­dy. Bul rette, oblys kóleminde kardıologııalyq jáne kardıo­hı­rýrgııalyq qyzmetti uıym­das­tyryp otyrǵan oblystyq kardıologııalyq ortalyqtyń tyndyryp jatqan jumysy zor. Kardıoortalyq jedel járdem kórsetetin mekeme bolǵan­dyq­tan, táýlik boıy jumys isteıdi. Sondyqtan, oblys boıynsha kez kelgen jedel járdemge zárý aýyr naýqastar­dy kúndiz-túni osynda alyp kelip jatady. Kar­dıoortalyqtyń qyzmetk­er­leri kerek bolǵan jaǵdaıda qa­lalar men aýdandardaǵy medı­sınalyq mekemelerge baryp konsýltatıvtik kómek kórse­te­di. Odan basqa ortalyqta kon­sýltatıvti-dıagnostıkalyq emhana bar, oǵan árbir medı­sı­na­lyq mekemeniń joldamasymen naýqastar kelip, dıagnostıka­lyq jáne emdik keńester ala alady.

Ońtústik Qazaqstan oblysynda halyq tyǵyz ornalasqan. О́ńirde 2 mıllıon 600 myńdaı adam turady. Árıne, kópshilikti ortada túrli aýrýdyń beleń alatyny belgili. Durys tamaq­tan­baý, den­saý­lyqqa kóńil bólmeý, artyq salmaq qosý, ekolo­gııa­nyń durys saqtalmaýy sekildi faktorlar jú­rek-qan tamyrlary aýrýlarynyń kóbeıýine soq­tyrady. Onyń ústine halqy­myz­dyń qanyna siń­gen jaman ádet – kópshilik jurt aýrýy áb­den meń­degen tusta, jan al­qym­ǵa taıanǵanda baryp dári­gerdiń esigin qaǵady. Mundaı kezde járdem berý eń bilikti degen mamannyń ózine aýyr soǵady. Nátıjesinde, júrek jáne qan tamyry aýrýlary­nyń saldarynan eńbek qabiletin joǵaltý­shy­lar sany ósip, memleketi­miz­ge orasan zor áleýmettik jáne ekonomıkalyq zııan keltirip otyr.

Qazirgi ýaqytta kardıoor­ta­lyq sońǵy dıag­nos­tıkalyq já­ne emdik ádis-tásilderdi qol­da­nyp jatyr. Sońǵy jyldary Ortalyq birqatar dıag­nostıka­lyq anyqtaý jáne emdeý apparattarymen jabdyqtaldy. Bú­gingi kúni júrek-qan tamyrlary aýrýynyń kez-kelgen túrine dıagnoz qoıyp, joǵary dárejede emdik sharalaryn jasaýǵa múm­kindigi bar. Osy rette árqaı­sy­sy 200 mıllıon teńgeden astam turatyn angıografııalyq qon­dyrǵylar ákelindi. Olar táýlik boıyna qalypty jumys istep tur. Olardyń kómegimen júrek­tiń tikeleı tamyrlaryn tekse­rip, qaı jeri qysylyp, bitelip tur, solardy anyqtap, ashyp, stent qoıý operasııalary jasalynýda. Aıta ketý kerek, júrek aýrýynyń kóbisi dári-dármek­pen emdelmeı­di. Oǵan tek operasııa jasaý arqyly ǵana kó­mektesýge bolady. Jalpy, kar­dıoortalyqta 132 tósek-oryn bar, onyń 32-si kardıohı­rýr­gııalyq bólimshege tıesili. Kez kelgen kúrdeli operasııany jasaıtyn 2 ota jasaý blogy bar.

Búgingi kúnge deıin ortalyq­ta júrekke baılanysty 1155 ota jasalyndy. Iаǵnı, 1155 jú­rek qaıta soqty desek te bolady. Munda Qazaqstan, Reseı, Polsha, Túrkııa, Lıtva, Germanııa jáne Izraıl klınıkalarynda daıyndyqtan ótken mamandar jumys isteıdi. Bilik­ti­lik dárejeleri joǵary. Olar júrekke jasaıtyn operasııa­lar­dyń barlyq túrin meńgergen.

Byltyrǵy jyly Ortalyqqa 239 mıllıon teń­­­gege arıtmııany emdeıtin jańa qondyrǵy satyp alyndy. Sonyń kómegimen júrektiń ishindegi elek­­tro­fı­zıo­logııalyq ózgeristerdi zertteý, jú­rek yr­ǵa­ǵy buzylǵan naý­qastarǵa elektrokardıostımýlıator qoıý, sonymen qatar kúr­deli arıt­mııalarǵa ra­dıo­jıilikti ablasııa operasııalary jasalynýda. Bul ýaqytqa deıin mundaı operasııalar tek Astanada ǵana jasalynatyn. Bıyl­dyń ózinde júreginiń yrǵaǵy buzylǵan 88 naýqasqa operasııa jasalyndy.

2011 jyly naýryz aıynda kardıoortalyqta aımaqtyq deńgeıde birinshi bolyp balalar kardıo­hırýrgııasy bólimshesi ashyldy. Respýblıka boıynsha dúnıege keletin sábılerdiń 25 paıyzy bizdiń oblysta. Alaıda, qazir 3000-ǵa jýyq júrek aqaýymen týylǵan sábı esepte tur. Onyń 75 paıyzy operasııany qajet etedi. Jalpy, búgingi kúni kardıoortalyqta 262 sábı­ge operasııa jasalyndy. Odan bólek 17 balanyń júrek aqaýy­na tamyrishilik katetr arqyly Okklıýder Amplazer qalqansha­sy qoıyldy. Nátıjeleri óte jaqsy. Sonymen qatar kardıo­or­talyqta júrek ıshemııasy bar naýqastarǵa endovaskýlıarlyq stentteý operasııalary jaqsy damyǵan. Búgingi kúni 1200 naý­qastyń júrek tamyryna stent qoıyldy.

Jalpy, bizdiń maqsat – kar­dıologııalyq aýrýlardan bolatyn ólim-jitimdi azaıtý. Ol úshin halyqty Almaty men As­tanaǵa sabyltpaı, bar­­lyq kar­dıologııalyq jáne kardıohı­rýr­gııalyq kó­mekti halyqara­lyq standartqa saı deńgeıde ózi­mizde kórsetýimiz kerek. Bul maqsatqa Úkimet tarapynan da, jergilikti bılikten de kardıo­ortalyqqa úlken qarjylyq kó­mekter kórsetilýde. Qysqasy, ob­lystyq kardıoortalyqtyń qa­zirgi jaǵ­daıy dúnıe­júzilik stan­­dartqa saı dep aıtýǵa bolady.

Joǵaryda aıtylǵan ınnova­sııalyq tehnolo­gııa­lyq emdik sharalardy engizý nátıjesinde jáne kardıoortalyqtyń jetek­shiligimen atqarylyp jatqan ob­lystaǵy uıymdastyrý, aýrý­dyń aldyn-alý is-sharalarynyń arqasynda 2012 jyldyń 7 aıynda ótken jyldyń osy keze­ńimen salys­tyrǵanda júrek-qan tamyrlary aýrýynan bolatyn ólim-jitim 44 paıyzǵa, onyń ishinde júrektiń ıshemııa­lyq aýrýynan bolatyn ólim-jitim 53 paıyzǵa tómendedi.

Árkimniń densaýlyǵy óz qolynda. Eń bastysy, adamdar ózara túsinistikte áreket etip, ár iste sabyr saqtaı bilýi kerek. Sonda ǵana júrekke salmaq túspeıdi.

Spandııar BEKJIGITOV,

Ońtústik Qazaqstan oblystyq kardıologııalyq

ortalyqtyń bas dárigeri, medısına

ǵylymdarynyń doktory, professor.

Ońtústik Qazaqstan oblysy.